SHBA:Politikanët dhe gjykatësit
e korruptuar frikë nga të rinjtë 

Kur reforma në drejtësi ka mbetur për sesionin tjetër parlamentar, ambasadori Donald Lu flet për frikë politikanësh dhe gjyqtarësh.
 
Para nxënësve të shkollave të mesme të 8 qyteteve, ambasadori amerikan theksoi se ka ardhur koha e ndryshimit.
 
Ambasadori i Shteteve të Bashkuara të Amerikës, Donald Lu shprehet se politikanët, zyrtarët e qeverisë, gjykatësit dhe prokurorët e korruptuar kanë filluar që të kenë frikë nga të të rinjtë.
 
"Kohët po ndryshojnë. Politikanët, zyrtarët e qeverisë, gjykatësit dhe prokurorët e korruptuar kanë frikë. A e dini se nga kush kanë frikë? Ata kanë frikë nga ju!" deklaroi diplomati i SHBA gjatë aktivitet “Aktivizmi Rinor Kundër Korrupsionit” që u organizua nga nxënësit e shkollave të mesme të Shkodrës, Kukësit, Elbasanit, Beratit, Vlorës, Lezhës, Gjirokastrës dhe Tiranës.
 
Ambasadori i SHBA tregoi edhe një histori se si të rinjtë sollën ndryshimin 14 vite më parë në Kirgistan.
 
"Në një shoqëri korrupsioni përfundon kur njerëzit fillojnë të veprojnë, shpesh kjo udhëhiqet nga të rinjtë.
 
Kur punoja në Kirgistan 14 vite më parë nxënësit e shkollave përballeshin me probleme të tmerrshme të korrupsionit, të gjithë duhet të paguanin për notat.
 
Nxënësit e zakonshëm punonin shumë, por merrnin nota të këqija, ata studentë thanë 'Mjaft'.
 
Ata krijuan klubin dhe nënshkruan një deklaratë që kurrë nuk do të jepnin ryshfet, mësuesit dhe drejtorët ishin të zemëruar.
 
Ministria e Arsimit ishte në kaos, por Presidenti i Kirgistanit ishte një ish-profesor dhe vendosi ta mbështeste këtë lëvizje.
 
Shumë shpejt njerëzit iu bashkuan lëvizjes, kështu ndodh ndryshimi" përfundoi ai.
 
Ky aktivitet është pjesë e projektit të edukimit qytetar mbështetur nga Ambasada e SHBA dhe e implementuar nga Instituti për Demokraci dhe Ndërmjetësim.


[gallery]22069[/gallery]

dy.b/shqiptarja.com