SHBA, prezantohet formalisht
kërkesa për gjykimin e Trump

Për herë  të parë prezantohet në Kongres  propozimi formal  i cili kërkon nisjen e procedurave për  gjykimin e Presidentit Donlad Trump.

Inisiativa është ndërmarrë nga deputeti demokrat i Kalifornisë Brad Sherman i cili është mbështetur nga kolegu i tij Al Green.

Propozimi për të vendosur para drejtësisë Kreun e Shtëpisë  së Bardhë njohur ndryshe si Impeachment bazohet në akuzat për ndërhyrje në cështjet e drejtësisë  sic ishte shkarkimi nga detyra i shefit të FBI-së James Comey.

 “Ky është hapi i parë  i një rrugë shumë të gjatë’  shprehet deputeti Sherman teksa propozoi  të ashtuquajturin artikull i impeachment.

Por për momentin një propozim i tillë është i izoluar pasi kërkesa do të duhet  të votohet në Dhomën e Përfaqësuesve e cila për momentin dominohet nga republikanët.

Por në deklaratën e tij  Sherman shpjegon  se vendimi  i tij bazohet edhe tek shkëmbimi i emailve që ka patur djali i Trump me zyrtarë rusë.

Redaksia Online
e.m/Shqiptarja.com