SHBA reagon ashpër ndaj Kosovës për dhunën në veri: Dënojmë veprimet e policisë për të hyrë në ndërtesat komunale në veri të vendit

Shtetet e Bashkuara të Amerikës kanë reaguar ashpër ndaj aksioneve të policisë për të futur në ndërtesat komunale kryetarët e zgjedhur të komunave në veri të Kosovës. Në një postim të bërë në twitter, ambasadori amerikan në Prishtinë Jeffrey Hovenier ka shkruar se masat e dhunshme të marra ditën e sotme duhet të ndërpriten menjëherë.

"Shtetet e Bashkuara dënojnë veprimet e vazhdueshme të autoriteteve kosovare për të hyrë në ndërtesat komunale në veri të Kosovës. Masat e sotme të dhunshme duhet të ndërpriten menjëherë", ka thënë ambasadori amerikan në Prishtinë, Jeffrey Hovenier, në lidhje me ngjarjet e sotme në veri ku tre kryetarët e rinj shqiptar në pjesën veriore të vendit nisën punën nga objektet komunale.

LEXO EDHE:
A ka ndryshuar qëndrimi i Francës karshi Kosovës ndër vite?

Lajmi kryesor:

Tensionet në veri, SHBA dhe BE: Kosova të ndalë veprimet e dhunshme, do ketë pasoja! Kurti e Osmani: Mbrojmë integritetin territorial të vendit

B.V/Shqiptarja.com

TAG:
• tensione ne veri te kosoves
• serbi
• Anthony Blinken
• Bashkimi Europian
• SHBA
• kosove