SHBA refuzon BE, nuk heq kompanite europiane nga sanksionet ndaj Iranit

Shtetet e Bashkuara e refuzuan kërkesën e Bashkimit Europian për të përjashtuar disa kompani europiane nga sanksionet e Uashingtonit kundër Iranit. Në një letër drejtuar vendeve të kontinentit të vjetër, Sekretari i Shtetit, Mike Pompeo sqaroi se refuzimi i kësaj thirrjeje bëhet për shkak se SHBA-të kërkojnë që të ushtrohet presion maksimal mbi Republikën Islamike.

Përjashtimet, sipas Pompeos do të bëhen vetëm në rastet kur prej tyre ka përfitim siguria kombëtare amerikane. BE-ja druhet se sanksionet e reja amerikane do të vënë në rrezik miliarda dollarë të përfituara nga tregtia. Masat e rrepta hynë në fuqi në muajin maj, pasi Donald Trump u tërhoq nga marrëveshja e vitit 2015 mbi programin bërthamor iranian, për të cilën janë angazhuar ndërkohë Franca, Gjermania dhe Britania e Madhe.

Ndërkohë, në përballjen e saj me luftën tregtare të presidentit amerikan, BE-ja ka gjetur një aleat të fortë: Kinën. Në atmosferën e pasigurisë që i ka krijuar Trump ekonomisë globale, dy partnerët më të rëndësishëm tregtarë të SHBA-ve kanë organizuar një takim në Pekin, temat kryesore të axhendës së të cilit do të jenë marrëdhëniet e tregtisë, investimeve globale dhe ato dypalëshe.

LEXO EDHE:
Dita e Europës, ambasadori Gonzato: Sinjalet nga BE të qarta, duhet të përfundojmë integrimin e Ballkanit Perëndimor! Realizoni reformat

Presidenti i Këshillit Europian, Donald Tusk, dhe shefi i Komisionit Europian, Jean-Claude Juncker, përfaqësojnë BE-në në bisedimet me zyrtarë të lartë vendas, përfshirë presidentin Xi Jinping dhe kryeministrin Li Keqiang. Nisur nga përshkallëzimi i tensioneve tregtare, si pasojë e vendosjes së tarifave “tit-for-tat”, të dyja palët pritet të shprehin mbështetjen e tyre për rregulla që bazohen në sistemin tregtar ndërkombëtar, nën mbikëqyrjen e Organizatës Botërore të Tregtisë.

TAG:
• BE
• SHBA
• iran
• mike pompeo

Sondazhi i ditës:

Minimumi jetik në vend 184 euro për person, a është i mjaftueshëm?

• Po

  9.9%

• Jo

  86.4%

• Nuk e di

  3.7%

Vota total: 2019

• Sondazhi i ditës:

  Minimumi jetik në vend 184 euro për person, a është i mjaftueshëm?

  Po Jo Nuk e di