Senati fillon këtë javë debatin për një projektbuxhet masiv që do të përcaktojë prioritetet e ushtrisë amerikane gjatë vitit të ardhshëm. Siç njofton korrespondentja e Zërit të Amerikës, Katherine Gypson, demokratët dhe republikanë kanë shprehur tashmë pikëpamje të kundërta në Dhomën e Përfaqësuesve se sa duhet të jetë niveli i ndihmave për Ukrainën, ose për nismat për përfaqësimin e segmenteve të ndryshme të shoqërisë, si dhe për çështjen e abortit.
Dhoma e Përfaqësuesve me shumicë republikane miratoi të premten projektbuxhetin prej 874.2 miliardë dollarësh për mbrojtjen, me 219 vota pro dhe 210 kundër.
Legjislacioni i ri autorizon fonde të mëtejshme për modernizimin e ushtrisë amerikane.
“Teknologjia më e fundit që është thelbësore për të ardhmen e këtij vendi dhe për të ruajtur lirinë në mbarë botën, përkundër rritjes së Kinës dhe Rusisë, do të marrë më shumë investime se në të kaluarën”, tha Kevin McCarthy, Kryetar i Dhomës së Përfaqësuesve.
Pesë përpjekje të udhëhequra nga republikanët për t’i dhënë fund ndihmës për Ukrainën kanë dështuar. Shumica e republikanëve votoi me demokratët për të miratuar ndihma prej 300 milionë dollarësh për Ukrainën. Por konservatorët arritën disa fitore ndaj administratës së Presidentit Biden.
“Paratë e taksapaguesve i jepen Departamentit të Mbrojtjes të destinuara për mbrojtjen kombëtare dhe për sigurinë tonë kombëtare. Nuk është për të mbështetur axhendën radikale, imorale, pro-abortit të administratës Biden”, tha Ligjvënësi republikan Ronny Jackson.
Republikanët thonë se sigurimet shëndetësore qeveritare nuk duhet të mbulojë shpenzimet e aborteve për gratë ushtarake, dhe se Pentagoni nuk duhet të udhëheqë iniciativa për përfshirjen e personave transgjinorë.
“Është jashtëzakonisht e papërgjegjshme që republikanët ekstremë të MAGA-s shfrytëzuan një projektligj thelbësor për sigurinë tonë kombëtare dhe e kthyen në një mjet për t’ia imponuar popullit amerikan ideologjinë e tyre të ekstremit të djathtë”, tha Ligjvënësi Hakeem Jeffries, drejtues i pakicës demokrate në Dhomën e Përfaqësuesve.
Këto përparësi konservatore të reflektuara në projektligjin e miratuar në Dhomën e Përfaqësuesve, e bëjnë pothuajse të pamundur kalimin në këtë formë në Senatin me shumicë demokrate.
“Qartësisht, shumë prej këtyre amendamenteve ndoshta do të hiqen dhe Senati do të dalë me një variant disi ndryshe. Por në tërësi, ka një rritje të shpenzimeve për mbrojtjen dhe ushtarakëve tanë u rriten të ardhurat. Jemi në një moment shumë jetik. Është një botë e rrezikshme”, tha Ligjvënësi republikan Michael McCaul.
Senati fillon të martën debatin për projektbuxhetin e mbrojtjes dhe pritet që teksti përfundimtar të duket shumë ndryshe nga varianti i miratuar në Dhomën e Përfaqësuesve./VOA
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
