SHBA/ Shokohet babai i 2 fëmijëve, banka i kalon gabimisht 43.3 miliardë paund në llogarinë e tij

Fati ka ndjekur një amerikan, i cili u bë për pak orë njeriu i 25-të më i pasur në botë pas një gabimi bankar. Darren James është surprizuar kur 43.3 miliard paund u shfaqën papritur në llogarinë e tij.

Kjo shokoi babain e dy fëmijëve nga Luiziana në SHBA. Ai nuk mund ti besonte syve kur pa shifrën marramendëse.

“Ishte çmenduri vetëm të shihje se si dukej. Kurrë nuk kisha parë aq shumë zero në jetën time. Unë thjesht mendova, nga erdhën këto? Të gjithë ishim duke menduar se kush do të trokiste në derën tonë se nuk njihnim askënd që kishte aq shumë para”, tha ai për BR Proud.

LEXO EDHE:
Gaza/ Hamas: Sinwar ka dalë nga tunelet dhe po viziton zonat e luftës! Izraeli falenderon Biden për ndihmën: Aleanca jonë është e hekurt

Në vend që të merrte paratë dhe të blinte ndonjë vilë apo jaht, Darren, i cili punon si agjent imobilar pranoi cfarë ndodhi dhe kërkonte t’ia kalonte paratë pronarit të tij. Pavarësisht se kishte nisur të imagjinonte se cfarë do të bënte me ato para, kontaktoi bankën.

Banka nuk zbuloi kurrë se nga erdhën paratë, apo si erdhi gabimi. Dhe disa ditë më vonë, pasuri ishte zhdukur përsëri nga llogaria e tij bankare.

A.M./Shqiptarja.com

TAG:
• SHBA
• darren james