Departamenti amerikan i Shtetit tha për Radion Evropa e Lirë se Qeveria e Kosovës nuk është koordinuar me Uashingtonin sa i përket shpalljes së “Mbrojtjes Civile” dhe “Brigadës së Veriut” organizata terroriste. Qeveria e Kosovës më 29 qershor i shpalli këto dy organizata si terroriste. Kryeministri i Kosovës, Albin Kurti, tha gjatë arsyetimit të vendimit se këto dy organizata, që veprojnë në veri, paraqesin “kërcënim serioz dhe të drejtpërdrejtë për rendin kushtetues dhe sigurinë në Kosovë”.
“Vendimi i Qeverisë së Kosovës për të shpallur këto grupe si organizata terroriste nuk ka qenë i koordinuar me SHBA-në dhe partnerët e tjerë ndërkombëtarë. Ky vendim do të duhej të koordinohej me partnerët më të ngushtë ndërkombëtarë të Kosovës, përfshirë ata të cilët kanë përgjegjësinë primare për të siguruar stabilitetin e Kosovës. Ne sërish i bëjmë thirrje Kosovës që të përmbahet nga hapat e njëanshëm përderisa ne po punojmë me të gjitha palët për të zgjidhur krizën aktuale”, tha një zëdhënës i DASH-it për Radion Evropa e Lirë.
Sipas Kurtit, këto dy organizata kanë kryer veprime “me elemente terroriste”, si: sulme të armatosura ndaj pjesëtarëve të Policisë së Kosovës, pjesëtarëve të Misionit të Bashkimit Evropian për Sundim të Ligjit - EULEX dhe ushtarëve të misionit të NATO-s në Kosovë, KFOR. Zëdhënësi i DASH-it tha se SHBA-ja dënon dhunën “e papranueshme ndaj trupave të misionit të NATO-s, KFOR”.
“Ata që kanë kryer për këto sulme duhet të mbahen përgjegjës, pas një procesi të rregullt me transparencë të plotë”, tha zëdhënësi.
Më 29 maj, protestuesit serbë në Zveçan u përleshën me pjesëtarët e KFOR-it. Dhjetëra persona u lënduan nga të dyja palët gjatë këtyre përleshjeve. Autoritetet në Kosovë kanë sqaruar se vendimi për shpalljen e këtyre dy organizatave si terroriste nuk do të prekë askënd që mund të ketë kryer vepra penale para këtij vendimi. Sipas ligjit në Kosovë, kur organizatat shpallen terroriste, aktiviteti i tyre ndalohet menjëherë. Çdo aktivitet i mëtejmë i tyre do të bartte pasoja të rënda ligjore.
“Mbrojtja Civile” dhe “Brigada e Veriut” numërojnë qindra pjesëtarë të tyre nga radhët e komunitetit serb. Shpallja e tyre si organizata terroriste vjen në kohën kur tensionet në veri të Kosovës – të banuar me shumicë serbe – janë rritur.
Serbët lokalë po kundërshtojnë kryetarët e rinj shqiptarë të Zveçanit, Zubin Potokut dhe Leposaviqit që u zgjodhën më 23 prill. Këto votime u bojkotuan nga popullata serbe. Që nga 26 maji, serbët kanë protestuar në veri dhe që atëherë në këtë zonë janë regjistruar disa sulme me shok-bomba dhe granata dore, që kanë shkaktuar dëme materiale, por pa pasoja në njerëz. Bashkësia ndërkombëtare ka kërkuar nga Kosova dhe Serbia që të shtensionojnë menjëherë situatën dhe Prishtina të organizojë zgjedhje të reja në katër komunat në veri./REL
Ambasada e Francës në Kosovë po ashtu ka konfirmuar se s’u konsultua nga Qeveria e Kosovës para se t’i shpallje “Mbrojtjen Civile” dhe “Brigadën e veriut” organizata terroriste.
Klan Kosova ka raportuar se në një përgjigje për ta, kjo ambasadë ka thënë se as nuk u informuan parparakisht.
“Ne as nuk jemi konsultuar dhe as nuk jemi informuar paraprakisht për vendimin e qeverisë së Kosovës për shpalljen e organizatave ‘Mbrojtja Civile’ dhe ‘Brigada e veriut’ si organizata terroriste." - thuhet në përgjigjen ambasadës franceze.
Lista Serbe, partia mw e madhe serbe të Kosovës, kritikoi të premten vendimin e qeverisë në Prishtinë për shpalljen e dy entitete serbe si organizata terroriste, veprim që sipas tyre ka për qëllim përshkallëzimin e situatës në veri të Kosovës.
Lista Serbe tha se këto organizata janë joekzistente duke theksuar se “Brigada e Veriut” është një organizatë virtuale që ekziston siç u tha vetëm në kokën e kryeministrit Albin Kurti, ndërkaq “Mbrojtja Civile” ka shumë vite që është integruar në institucionet e Kosovës.
“Me synim të parandalojmë regjimin e Kurtit të bëjë provokime të reja dhe t’i akuzojë serbët apo ndonjë organizatë të re virtuale për to, duke i dhënë vetes arsyetim për përndjekjen dhe frikësimin e serbëve, kërkojmë nga KFOR-i dhe EULEX-i që urgjentisht të vendosin forcat e tyre në të gjitha pikat në veri”, thuhet në reagim.
Pas ShBA-së, edhe Gjermania ka reaguar në lidhje me shpalljen e dy organizatave serbe si organizata terroriste nga qeveria e Republikës së Kosovës.
Zyra për shtyp e Ambasadës së Gjermanisë në Prishtinë, ka thënë për Klankosova.tv se vendimi është marrë pa koordinim me Gjermaninë. Madje thuhet se as Ambasada gjermane nuk është informuar për këtë veprim të qeverisë paraprakisht.
“Vendimi nuk është koordinuar as me Gjermaninë, madje as nuk është informuar qeveria gjermane nga autoritetet kosovare për këtë veprim paraprakisht”, ka thënë Ambasada.
Në përgjigje thuhet po ashtu se duke qenë dëshmitarë të krizës aktuale në komunat veriore të vendit, “një koordinim i afërt me partnerët ndërkombëtarë do të kishte qenë i dobishëm”.
“Është e rëndësishme që çdo vendim i këtij lloji duhet të respektojë ligjet përkatëse dhe parimin e proporcionalitetit. Ritheksojmë thirrjen tonë për Qeverinë e Kosovës që të përmbahet nga çdo veprim i njëanshëm që mund të përshkallëzojë më tej situatën në komunat veriore”, ka theksuar Zyra për Shtyp e Ambasadës së Gjermanisë në Prishtinë.
Komente
Lajme të tjera
-
BE vendos për heqjen e masave kufizuese ndaj Kosovës
3 Maj, 13:39 -
Lihen punimet për shkollën e financuar nga bashkia Tiranë, ish-kreu i Komunës Preshevë: Shqiptarë brenda Luginës bashkëpunojnë me Vuçiç
3 Maj, 13:09 -
Qeveria e re e Serbisë me qëndrime të vjetra ndaj Kosovës
2 Maj, 22:48 -
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës
2 Maj, 21:44 -
'Mëngjesit të 17 majit Kosova anëtarësohet në KiE', Vuçiç sfidon Amerikën: Unë rri dhe pi me Dodikun e sanksionuar
1 Maj, 21:55 -
Dy 'non grata' në qeverinë e Vuçiç, eksperti Elezi: Serbia e rreshtuar kundër SHBA! Vulin, organizator i i disa aktiviteteve të dhunshme në Kosovë
1 Maj, 18:57 -
Vuçeviç: Qeveria e re e Serbisë do të mbajë miqësi me Kinën, Rusinë dhe SHBA-në
1 Maj, 15:37 -
1 Maji, punëtorët në Kosovë protestojnë për kushte më të mira pune
1 Maj, 12:02 -
Jo më vetëm në verë, nga sot lëvizje e lirë në Morinë! Për 9 muaj kalimi pa mjete identifikimi
1 Maj, 11:40 -
BE: Në Kosovë mbështesim një strukturë të vetme institucionale sipas kornizës së saj ligjore
30 Prill, 16:47 -
Scholz: Hapa konkretë për themelimin e Asociacionit, të rëndësishëm për anëtarësimin e Kosovës në Këshillin e Evropës
30 Prill, 07:37 -
Instituti Ndërkombëtar Republikan: Kosova dhe Shqipëria, vendet më pro-perëndimore në Ballkanin Perëndimor
29 Prill, 21:01
E perse duhej koordinim me keta,apo t'i thoshnin Q.te Kosoves, si Ramiz Alia studenteve dikur qe kerkonin ndryshim,-daleni,prisni?! Ja e morret vesh tani,por kjo nuk ndryshon gje,nga perceptimi qe kosovaret kane per keto organizata,sepse i kane hequr ne kurriz veprimet e tyre dhe i njohin me mire se sa ju.Akoma me absurde eshte nese perendimoret i bazojne konkluzionet e tyre ne xhevahire si keto qe thote me siper Lista Serbe.
PërgjigjuLargoni KFOR-rin nga Kosova dhe mos u merni me idjotin Kurti.
PërgjigjuIa hash…urin Albin Kurtit o shqipfolës
Albin Kurti vazhdon të veproi me mëndjen e tij të ADOLESHENTIT POLITIKË. -Nëse A.Kurti nuk pi "KAFE" çdo ditë me AMBASADORIN AMERIKAN,BE,KFOR..do e çoi Kosovën në IZOLIM NDËRKOMBËTAR. -Albini dëgjon Saliun non grata dhe jo EDI RAMËN KM EUROPIAN QË PO E DËGJON GJITHË BE. -ULE HUNDËN ALBIN: 1.Tërhiq kryeKomunarët nga zyrat.. 2.Tërhiq politëcin tënde se po të mbron KFOR.. 3.Shpall datën e zgjedhjeve në 4 komunat në bashkëpunim me BE-SHBA-SËRBINË. 4.Shpall kushtet për ASOSACIONIN që do bëhet do apo nuk doni Ju.. 5.Takimet 3 pashe i vendosin BE+SHBA. 6.Këtko që LAIÇAK DHE BORREL të mos jenë drejtues të negociatave,pasi vëndet e tyre nuk e njohin Kosovën.. 7.Dakortësou me E.Ramën për një konferencë nd/Kombëtare deri sa të firmosen kushtet..deri në njohjen e Kosovës nga Sërbia. ▪︎ KJO DO E DETYRONTE VUÇIÇIN OSE TË FIRMOSTE OSE TË DORHUQEJ NGA FRIKA E ELEMINIMIT SI XHINXHIÇ.. -Bëhu politikan Albin Saliu..!
PërgjigjuPer cfare kane bere keto dy organizata, me kohe duheshin shpallur terroriste. Pastaj, kjo puna e koordinimit eshte komponent sigurie e diplomatik per te cilin nuk mund te flase.
PërgjigjuSerbet e Kroacise ishin faktor destabiliteti ne Kroacine e viteve 90 dhe Europa me SHBA i lejoi Kroacise te pastronte shtetin e saj nga serbet. Pothuaj te gjithe serbet u perzune dhe shkuan ne Serbi! Pse tani kur Albin Kurti vetem kerkon qe serbet te pranojne dhe te respektojne shtetin e Kosoves, BE dhe SHBA i kundervihen? Kurti nuk po ben pastrim etnik si Kroacia! Apo duhet te beje, qe te marre mbeshtetjen e perendimit!!?? Prandaj perendimi eshte duke u treguar shume i padrejte me Kosoven!
PërgjigjuNe fakt jo.Kroacise i propozuan te njejten gje si Kosoves me nje republike serbe brenda(Lexo Plani Z4).Por Gjermanet dhe Austriaket e lejuan operacionin 'oluja’.
Ketij i duket vetja si erdogani. Ka filluar te shpalle me inisiative edhe organizata terroroste.A e di ky se fillimisht jane gjykatat dhe me pas gjykata europiane ato qe i vene vulen nese nje organizate eshte terroriste.
PërgjigjuAlbin Kurti është patriot Shqiptarë o i verbuar o ifiot. Ti emrin Arben e ke Falco …!