/ATSH-AFP/ - SHBA-ja e konsideron shumë të rëndësishme që qeveria greke të bashkëpunojë me kolegët evropianë dhe FMN, deklaroi sot ambasadori i SHBA-së në Greqi duke nënvizuar rolin gjeostrategjik të vendit.
Ambasadori, David Pearce e bëri këtë deklaratë, cituar në një komunikatë të ambasadës, në përfundim të takimeve me zyrtarët kryesorë grekë, përfshirë këtu kryeministrin, Alexis Tsipras dhe ministrin e Financave, Yanis Varufakis, gjatë dy ditëve të fundit.
Në disa prej këtyre takimeve, përfshirë këtu dhe në takimin me Varufakis, mori pjesë zëvendëssekretari i Thesarit amerikan, i ngarkuar me çështjet evropiane, Daleep Singh.