/ATSH-AFP/ - Përmbytjet rekord në shtetin e Karolinës së Jugut kanë shkaktuar të paktën 11 të vdekur dhe kanë privuar dhjetëra mijëra amerikane nga energjia elektrike dhe uji i pijshëm, njoftoi sot shtypi.
Të paktën katër persona kanë humbur jetën në aksidente rrugore si pasojë e përmbytjeve dhe shtatë të tjerë janë mbytur, theksoi "Charleston Post and Courier".
Më herët, guvernatorja e Karolinës së Jugut, Nikki Haley, kishte theksuar në një konferencë shtypi në periferi të Kolumbias se nëntë persona kishin humbur jetën si pasojë e motit të keq.