POP 5

Lajmet më të lexuara të 5 minutave të fundit

Bota

SHBA/ Të shtëna me armë zjarri në aeroportin e Dallasit, plumba afër kabinës së pilotit

Një plumb goditi trupin e një avioni të Southëest Airlines, i cili po përgatitej për nisje nga një aeroport në Dallas të Teksasit, duke bërë që fluturimi i së premtes mbrëma (15 Nëntor 2024)  të anulohej, njoftoi kompania ajrore.

SHBA/ Të shtëna me armë zjarri në aeroportin e Dallasit, plumba afër kabinës së pilotit

Avioni i Southwest Airlines në Dallas të Teksasit

SHBA – Një plumb goditi trupin e një avioni të Southwest Airlines, i cili po përgatitej për nisje nga një aeroport në Dallas të Teksasit, duke bërë që fluturimi i së premtes mbrëma (15 Nëntor 2024)  të anulohej, njoftoi kompania ajrore.

Nuk pati të lënduar, dhe policia u kontaktua pasi plumbi goditi anën e djathtë të avionit, poshtë kabinës së pilotit. Në atë moment, ekuipazhi i fluturimit 2494 po përgatiste avionin për nisje nga Aeroporti Love Field në Dallas, deklaroi Southwest.

Avioni Boeing 737-800 u “godit nga një plumb pranë kabinës” rreth orës 20:30, ndërsa po lëvizte në pistë përpara fluturimit për në Aeroportin Ndërkombëtar të Indianapolisit. Avioni u kthye në portën e nisjes dhe pasagjerët u larguan, sipas Administratës Federale të Aviacionit (FAA).

Avioni u nxor nga shërbimi, ndërsa kompania njoftoi se do të siguronte një fluturim tjetër për pasagjerët.

Aeroporti Love Field në Dallas bëri të ditur në një postim në rrjetet sociale se Departamenti i Policisë së Dallasit reagoi dhe pista 13R/31L u mbyll përkohësisht, por u rihap më vonë atë natë, duke pasur “ndikim minimal” në funksionimin e aeroportit.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

22 Janar, 16:42