Teksasi ka marrë vendim për të shfuqizuar masën për vendosje të maskës dhe bizneseve do t’iu lejohet të punojnë me kapacitet të plotë nga java tjetër, ka thënë guvernatori i këtij shteti, Greg Abbott.
“Është koha që ta hapim tani Teksasin 100 për qind”, ka thënë republikani të martën.
Teksasi është shteti më i madh në Shtetet e Bashkuara që i jep fund masës për vendosje të mskës.
Abbott është përballur me kritika nga partia e tij për këtë masë, e cila është zbatuar nga muaji korrik i vitit të kaluar.
Mirëpo administrata e presidentit amerikan Joe Biden, e ka bërë të qartë se kufizimet për koronavirus janë ende të nevojshme.
Ky njoftim nga Teksasi ka ardhur teksa masa të ngjashme janë shfuqizuar edhe në shtetet tjera, përfshirë Miçiganin, Luizianën dhe Misisipin, ku nuk do të kërkohet vendosja e maskës.
Procesi i vaksinimit kundër COVID-19, sëmundjes që shkakton koronavirusi, ka rritur besimin për kthim të jetës para pandemisë në SHBA.
Presidenti Biden ka thënë të martën se SHBA-ja do të ketë mjaftueshëm vaksina për secilin person të rritur, deri në fund të majit.
Megjithatë, vala e rihapjeve në disa shtete është në kundërshtim me kërkesat e administratës Biden dhe zyrtarëve të lartë shëndetësorë, që kanë reaguar me kritika ndaj relaksimit të maskave kundër koronavirusit.
Drejtorja e Qendrës amerikane për Parandalimin dhe Kontrollin e Sëmundjeve, Rochelle P. Walensky, ka paralajmëruar për një “valë të katërt potenciale të rasteve" nëse vendi ia lejon vetes vetëkënaqësinë.
Të dhënat e fundit në SHBA tregojnë se ndonëse shkalla e të infektuarve dhe të vdekurve ka rënë në javët e fundit, numri i të infektuarve vazhdon të jetë i lartë në krahasim me vendet tjera.
Sipas të dhënave të Universitetit Johns Hopkins, autoritetet amerikane kanë regjistruar deri më tani mbi 28 milionë persona të infektuar me koronavirus.
Prej tyre, 516,000 pacientë kanë vdekur./ REL
Komente
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13
Vendimin e Texas e Misisipit,Biden e quajti :/Neanderthal thinking/.
Përgjigju