Presidenti i SHBA-së Donald Trump njoftoi të premten vendosjen e tarifave prej 25 për qind ndaj importeve kineze me një vlerë prej dhjetëra miliardë dollarë. Vendimi shkaktoi një hakmarrje të menjëhershme të Pekinit, duke i sjellë dy ekonomitë më të mëdha në botë, në prag të një lufte të përgjithshme tregtare.
Trump, duke përmbushur premtimin që kishte bërë për të mbrojtur pronën intelektuale amerikane nga vjedhja, paralajmëroi se do të vendoste tarifa shtesë nëse Kina kundërpërgjigjej me masa hakmarrëse ndaj mallrave dhe shërbimeve amerikane.
Të paktën fillimisht, tarifat e reja nuk do të arrijnë totalin prej 50 miliardë dollarësh, shumë me të cilën kishte kërcënuar në muajin mars Shtëpia e Bardhë.
Përfaqësuesi tregtar amerikan Robert Lighthizer tha të premten se Shtetet e Bashkuara do të fillojnë mbledhjen e detyrimeve për 818 mallra kineze me vlerë 34 miliardë dollarë duke nisur nga 6 korriku.
Raundi i dytë, me një vlerë prej 16 miliardë dollarësh për 284 mallra që importohen nga Kina, që do ta çonin totalin në 50 miliardë dollarë, pritet t'i nënshtrohet një procesi shtesë shqyrtimi dhe diskutimi publik, sipas zyrës së përfaqësuesit tregtar amerikan.
"Shtetet e Bashkuara nuk mund të tolerojnë humbjen e teknologjisë dhe pronës intelektuale përmes praktikave të padrejta ekonomike" tha Trump në deklaratë.
Sipas tij "tarifat janë thelbësore për të parandaluar transferimet e mëtejshme të padrejta të teknologjisë amerikane dhe pronës intelektuale në Kinë, gjë që do të garantojë mbrojtje për vendet e punës në Amerikë".
Kina u përgjigj menjëherë, duke njoftuar vendosjen e tarifa "të barabarta" për produktet amerikane.
"Do të fillojmë menjëherë masat e vendosjes së tarifave, në shkallë dhe forcë të barabartë" thuhej në një deklaratë të Ministrisë kineze e Tregtisë publikuar në faqen zyrtare të saj. Në deklaratë u bëhej gjithashtu thirrje vendeve të tjera të "ndërmarrin veprime kolektive" kundër asaj që cilësohej si "sjellje e vjetëruar dhe e prapambetur".
Lajme të tjera
-
Bisedë telefonike mes Putin dhe Erdogan, Kremlini: Në qendër të bisedës ishte rritja e tregtisë mes dy vendeve
24 Nëntor, 17:45 -
Spahiu: Altin Dumani me daljen në media sfidoi hapur presionet politike dhe mediatike! Ka fituar besimin e publikut dhe kanë qenë të suksesshëm
24 Nëntor, 17:37 -
VIDEO/ Liverpool vuan dhe fiton 2-3 kundër vendit të fundit, 'arratiset' +8 nga Man. City
24 Nëntor, 17:33 -
GOLAT/ 'Faraoni' Salah nderon Liverpoolin, nis shkëputja në krye të Premier League! Luhet Ipsuich - Man. United
24 Nëntor, 17:31 -
E ardhmja e NATO-s dhe qëndrimet e Trump
24 Nëntor, 17:30 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Njerëzit e krimit protestojnë për takimin e Ramës në Londër
24 Nëntor, 17:17 -
Kreshnik Spahiu në Report TV: “Paketa e maleve” pozitive, por jo të gjithë emigrantët mund bëjnë bujtina apo hotele! Duhen oferta për kthimin e profesionistëve
24 Nëntor, 17:06 -
Shkup/ Rikthehen mosmarrëveshjet për Ballkanin e Hapur
24 Nëntor, 17:00 -
VIDEO/ E nis dhe e mbyll aksionin, Edon Zhegrova shënon dhe i jep tri pikë Lille
24 Nëntor, 16:44 -
Spahiu: Antimitingu me 100 veta shumë i vogël, prisja më shumë emigrantë kundër...
24 Nëntor, 16:42 -
Shirat mbushin liqenin e Fierzës me plehra! Peshkatarët: Pasojë e sjelljes së njerëzve në Kosovë e Shqipëri
24 Nëntor, 16:38
