Departamenti amerikan i Shtetit miratoi shitjen e raketave ajërore, me vlerë prej 650 milionë dollarësh, në Arabinë Saudite.
Kjo është marrëveshja e parë e tillë nën administratën e presidentit Joe Biden.
Një zëdhënës i Departamentit të Shtetit tha se marrëveshja do të “rimbushë inventarin ekzistues të Arabisë Saudite”.
Marrëveshja do të lejojë blerjen e 280 raketave AIM-12OC ajër-ajër dhe pajisjeve të ngjashme, tha zëdhënësi.
Arabia Saudite është një aleat i vjetër i SHBA-së, pasi konkurron me Iranin për ndikim në Lindjen e Mesme.
Lidhjet e Riadit me Uashingtonin kanë mbetur të forta gjatë administratës së ish-presidentit amerikan, Donald Trump.
Por, shqetësimet për shkeljet e mundshme të të drejtave të njeriut e kanë bërë Bidenin të mbajë një qëndrim më të distancuar.
Biden ka shprehur zemërim me luftën e udhëhequr nga Arabia Saudite në Jemen, kundër rebelëve Huthi, që janë të lidhur me Iranin.
Konflikti ka vrarë më shumë se 130,000 njerëz dhe ka krijuar një nga krizat më të këqija humanitare në botë.
Rebelët Huthi kanë hedhur raketa dhe dronë drejt qyteteve saudite, duke bërë që një koalicion i forcave të udhëhequra nga Arabia Saudite të përgjigjet me sulme ajrore.
“Kemi parë rritje të sulmeve ndërkufitare kundër Arabisë Saudite gjatë vitit të kaluar”, tha zëdhënësi amerikan.
“Raketat saudite AIM-120C, të dislokuara nga avionët sauditë, kanë luajtur rol të rëndësishëm në ndërprerjen e sulmeve të vazhdueshme, që kanë vënë në rrezik forcat amerikane dhe kanë kërcënuar më shumë se 70,000 qytetarë amerikanë në Mbretërinë saudite”, tha zëdhënësi./ REL
Lajme të tjera
-
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Trump tha se do të blejë Groenlandën, kryeministri i vendit i përgjigjet: Nuk jemi në shitje
24 Dhjetor, 14:16 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Biden fal dënimet me vdekje, konvertohet dënimi për 37 të burgosur
23 Dhjetor, 16:25 -
I dërguari special për Ukrainën dhe Rusinë/ Trump emëron gjeneralin Keith Kellogg për një fund të shpejtë të luftës
23 Dhjetor, 10:11
