Nëntë qytetarë amerikanë janë vrarë në Izrael, konfirmoi më 9 tetor Shtëpia e Bardhë, përderisa luftimet mes forcave izraelite dhe militantëve të Hamasit po vazhdojnë.
“Ne shprehim ngushëllime për familjet e viktimave dhe të gjithë të prekurve dhe të plagosurve u urojmë shërim të shpejt”, u tha në njoftimin e Shtëpisë së Bardhë.
Mbi 700 persona janë vrarë në Izrael dhe mbi 500 në Gaza, që kur grupi militant palestinez Hamas nisi sulme masive ndaj Izraelit më 7 tetor. Po ashtu, është raportuar se militantët e Hamasit kanë zënë dhjetëra pengje izraelite.
Izraeli u kundërpërgjigj ashpër, duke kryer sulme ajrore në Gaza. Izraeli ka shpallur gjendje lufte dhe ka urdhëruar rrethimin e plotë të Gazës. Po ashtu, afër 300.000 ushtarë rezervistë janë thirrur për të luftuar kundër Hamasit.
“Ne do të vazhdojmë të monitorojmë situatën nga afër dhe mbesim në kontakt me partnerët tanë izraelitë, veçmas me autoritetet lokale”, u tha në njoftimin e Shtëpisë së Bardhë.
Ndërkaq, transmetuesi britanik, BBC, duke u thirrur në burime të sigurisë, raportoi se mbi 10 britanikë dyshohet se janë vrarë apo zhdukur që kur ka shpërthyer dhuna.
Izraeli dhe Hamasi në 15 vitet e fundit kanë zhvilluar katër luftëra. Hamasi – që është e shpallur organizatë terroriste nga Izraeli, SHBA-ja, BE-ja, Mbretëria e Bashkuar dhe fuqi të tjera – udhëheq me Rripin e Gazës që nga viti 2007./REL
Lajme të tjera
-
Lufta në Ukrainë/ SHBA akuzon Rusinë për përdorimin e armëve kimike, Moska e mohon
2 Maj, 08:47 -
Përplasje mes protestuesve në Universitetin e Kalifornisë, mbështetësit e Izraelit sulmojnë pro-palestinezët, 15 të plagosur
2 Maj, 08:34 -
Sondazhi: Shumica e amerikanëve e shohin rrjetin TikTok si mjet ndikimi nga Kina
1 Maj, 22:32 -
Sondazhi: Mbi 50% e amerikanëve nuk kanë besim tek media për mbulimin e zgjedhjeve
1 Maj, 19:30 -
Çmimi i naftës më i ulti në 7 javë, shtohen rezervat amerikane
1 Maj, 19:11 -
Nju Jork, autoritetet: Individë të jashtëm po përshkallëzojnë protestat
1 Maj, 17:07 -
Non gratat pjesë e qeverisë së re në Serbi, DASH: Të zhgënjyer! Vuçiç: I kanë zgjedhur qytetarët
1 Maj, 12:16 -
SHBA/ 3-vjeçari qëllon veten me armën e nënës
1 Maj, 11:59 -
Policia arreston dhjetëra protestues pro-palestinezë në Universitetin Kolumbia
1 Maj, 10:00 -
Trump gjobitet 9 mijë dollarë, gjykatësi e kërcënon me burg nëse përsërit shkeljet
1 Maj, 08:16 -
FBI: Mashtruesit vodhën mbi 3.4 miliardë dollarë nga amerikanët e moshuar në 2023
30 Prill, 22:05 -
Vulin i sanksionuar nga SHBA, pjesë e qeverisë së re të Serbisë
30 Prill, 20:18
