POP 5

Lajmet më të lexuara të 5 minutave të fundit

Bota

SHBA-ja vendos sanksione ndaj agjencive hapësinore të Iranit

Shtetet e Bashkuara të Amerikës vendosën sanksione të martën ndaj 3 kompanive iraniane të kërkimeve hapësinore me justifikimin se “luajnë rol në prodhimin e raketave balistike” të vendit.

SHBA-ja vendos sanksione ndaj agjencive hapësinore të Iranit

Sipas një komunikate të shkruar të Departamentit amerikan të Shtetit, sanksionet kanë në shënjestër Agjencinë Hapësinore të Iranit, Qendrën e Kërkimeve Hapësinore të Iranit dhe Institutin Iranian të Kërkimeve Astronautike.

“Departamenti i Shtetit përfshiu në listën e sanksioneve Agjencinë Hapësinore të Iranit dhe dy institute kërkimore për shkak të aktiviteteve të tyre të ndjeshme të përhapjes. Kjo është hera e parë që SHBA-ja imponon sanksione ndaj një agjencie hapësinore civile të Iranit për rolin e saj në ndërtimin e raketave balistike”, thuhet në komunikatë.

“SHBA-ja nuk do të lejojë që Irani të përdorë programin e tij hapësinor si maskë për të avancuar programet e tij për raketa balistike. Përpjekja iraniane për të lëshuar një mjet hapësinor më 29 gusht thekson urgjencën e kërcënimit”, theksoi Departamenti amerikan i Shtetit.

Ai paralajmëroi gjithashtu komunitetin shkencor ndërkombëtar se bashkëpunimi me programin hapësinor iranian “mund të kontribuojë në aftësinë e Teheranit për të zhvilluar një sistem të lëshimit të armëve bërthamore”.

Këto sanksione vijnë ndërkohë që Franca po përpiqet të ndërmjetësojë mes Iranit dhe SHBA-së për të ulur tensionet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça