SHBA/Shpërthim masiv zjarri në një pallat në Filadelfia! 12 të vdekur nga flakët, mes tyre 8 fëmijë(VIDEO)

Dymbëdhjetë persona kanë humbur jetën dhe disa të tjerë janë plagosur pas një zjarri që shpërtheu në një ndërtesë apartamentesh në qytetin amerikan të Filadelfias raporton BBC. Tetë fëmijë janë mes të vdekurve, u tha gazetarëve një zyrtar nga Departamenti i Zjarrfikësve në Filadelfia.

Zjarri filloi rreth orës 06:00 në një bllok banimi publik në veri të qytetit. Zëvendës Komisioneri i Zjarrfikësve Craig Murphy u tha gazetarëve se ishte një nga zjarret më të këqija që kishte parë ndonjëherë.

“Ne planifikojmë të sigurohemi që kjo humbje e madhe jetësh të mos ndodhë më kot”, tha ai të mërkurën.

LEXO EDHE:
Koncerti i xhazit të natës së Krishtlindjes në Kennedy Center u anulua pas vendosjes së emrit të Trump

Ai shtoi se tetë banorë të tjerë kishin arritur të ikin nga ndërtesa. Besohet se në momentin e zjarrit në bllokun trekatësh ndodheshin 26 persona. Ndërtesa është në pronësi të Autoritetit të Banesave të Filadelfias të financuar nga qeveria dhe është ndarë ligjërisht në dy apartamente që nga vitet 1950. Zyrtarët thanë se në inspektimin e fundit të ndërtesës në vitin 2020 kanë qenë në punë katër detektorë tymi, por asnjëri prej tyre nuk është fikur gjatë zjarrit. Murphy u tha gazetarëve se ndërsa autoritetet aktualisht nuk e konsiderojnë shkakun e zjarrit si të dyshimtë, do të ketë ende një hetim të plotë për shkak të humbjes së jetës.

Duke folur gjatë konferencës për shtyp, kryetari i bashkisë së qytetit Jim Kenney tha: "Kjo është pa dyshim një nga ditët më tragjike në historinë e qytetit tonë, humbja e kaq shumë njerëzve në një mënyrë kaq tragjike".

"Të humbasësh kaq shumë fëmijë është thjesht shkatërruese," shtoi ai.

G.MO/Shqiptarja.com

TAG:
• SHBA
• zjarr
• filadelfia