Shembja e pallateve të dëmtuar në Kombinat, Gjykata Administrative i jep të drejtë bashkisë

Shembja e pallateve të dëmtuar në Kombinat, Gjykata Administrative i jep të drejtë bashkisë

Foto ilustruese

Gjykata Administrative i jep të drejtë Bashkisë së Tiranës për prishjen e pallateve të dëmtuara nga tërmeti në Kombinat për t’i hapur rrugë projektit të lagjes së re moderne. Në vendimin e zbardhur prej saj, gjykata ka vlerësuar si të drejta ekspertizat e kryera mbi pallatet e dëmtuara si në Rr. “Llazi Miho” në Njësisë Administrative Nr. 6, si dhe vendimet e marra nga ana e Këshillit Bashkiak pas zhvillimit edhe të dëgjesave.

Gjykata çmon se vendimi i Këshillit Bashkiak Nr. 111 i marrë më datë 28.09.2020 për miratimin e prishjes së detyruar nuk bie në kundërshtim me VKM nr. 887, datë 24.12.2019 duke rrëzuar në këtë mënyrë edhe pretendimet e PD-së dhe të LSI-së të cilat tentuan bllokimin e projektit të rindërtimit duke organizuar protesta të vazhdueshme me anëtarët e tyre.

“Këshilli Bashkiak, në zbatim të nenit 35 të aktit normativ nr. 9/2019, ka miratuar prishjen e detyruar të pallatit nr. 159 dhe në kuptim të nenit 64/b të ligjit nr. 139/2015, ka ngarkuar Kryetarin e Bashkisë për zbatimin e këtij vendimi sipas parashikimeve të VKM nr. 887/2019”, thuhet në vendimin e gjykatës.

Gjykata e ka cilësuar si të drejtë vendimin e marrë nga Këshilli Bashkiak, pasi ai është nxjerrë në përputhje me ligjin dhe brenda kompetencave.

“Gjykata çmon se vendimi i Këshillit Bashkiak nr. 111, datë 28.09.2020 është nxjerrë në përputhje me ligjin, ai nuk është një akt absolutisht i pavlefshëm dhe nuk mund të konstatohet si i tillë. Kërkesë padia për këtë pjesë është e pabazuar dhe duhet rrëzuar. Në lidhje me pretendimin e paditësit se akti është nxjerrë në kundërshtim me parashikimet e ligjit material, të dhënat e dokumenteve si ekspertizën e shoqërisë se kontraktuar, oponencën teknike të Institutit të Ndërtimit etj., Gjykata vlerëson ta konsiderojë të papranueshëm”, thuhet në vendimin e zbardhur të gjykatës.

Gjatë procesit gjyqësor rezultoi se nga ana e Bashkisë Tiranë janë ndërmarrë të gjitha masat e nevojshme në respektim të detyrimeve që rrjedhin nga parashikimet e legjislacionit në fuqi që rregullon përballimin e fatkeqësisë natyrore. Gjithashtu, Gjykata konfirmon se janë zhvilluar dëgjesat publike ndërmjet qytetarëve, me inxhinierë dhe ekspertë.

Në përfundim të vendimit të saj, gjykata çmon se përderisa kërkesë padia rezultoi e pabazuar, bazuar ne nenin 106 të K.Pr.Civile, edhe shpenzimet gjyqësore i ka ngarkuar palës paditëse.
Ndërkaq, Bashkia e Tiranës po vijon me punën për ndërtimin e lagjes së re në Kombinat, ndërsa paralelisht vijon dhe dhënia e bonusit të qirasë për familjet e dëmtuara nga tërmeti gjer në marrjen e çelësave për banesat e reja.

Vendimi

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet