TIRANE - Publicisti i njohur Artane Lame denoncoi shembjen me dashje të banesës ku në vitin 1916, patrioti Themistokli Gërmenji ngriti flamurin duke shpallur Korçën krahinë autonome.

Shtëpia u shkatërrua gjatë mbrëmjes të së mërkurës. Pamjet tregojnë se ajo është shembur me mjete të rënda, por nuk është konfirmuar ende nëse kjo është bërë për interesa të pronarëve apo nëse aty do të ngrihet një godinë e re.

Ne studion e A1 Report z.Lame tha se shkatërrimi “është i qëllimshëm” dhe njoftoi se drejtori i Institutit të Monumenteve kërkon të heqë nga lista e monumenteve të kulturës këtë banesë, çka do t’i hapë rrugën ndërtimeve të ndonjë godine në vend të saj.

Lame tregon se dëmtimet janë denoncuar dhe në janar të 2012 në instancat e larta. Tetë muaj më parë godinës i ishte hequr dhe pllaka ku shkruhej se ishte monument kulture. “Është e turpshme ajo që po ndodh dhe po përgatitet të ndodhë”, - tha Lame gjatë bisedës me gazetaren OIa Bruko.

“Nëse Korça sot është në Shqipëri është falë gjestit të jashtëzakonshëm të patriotit Themistokli Gërmenji. Shtëpia e pavarësisë së Korçës, Shtëpia në Vlorë dhe shtëpia e Kongresit të Lushnjes. Çdo njeri duhet ta ndjejë vente keq dhe të turpëruar se do ta heqin nga lista”, u shpreh Lame mbi këtë kauzë.
(sg/Shqiptarja.com)