POP 5

Lajmet më të lexuara të 5 minutave të fundit

Politikë

Dy viktima nga shembja e skelës/ Reagon Braçe: Për Ergysin, Orjanin, punëtorët, borxhin tim...por edhe për 'pallatin' tim

Zv. kryeministri Erion Braçe ka reaguar për dy viktimat që humbën jetën nga shembja e skelës. 48 orë, sepse, siç shkruan ai, ka zgjedhur të respektojë dhimbjen e familjarëve që kanë humbur jetën. Braçe thekson se në muajin e fundit, ku dhe kanë nisur punimet, nuk është bërë asnjë kontroll në kantierin e punimit, çka ngarkon me përgjegjësi të drejtpërdrejtë kompaninë "Syla" dhe "Xhimi", por edhe Inspektoriatin Shtetëror të Punës, për neglizhencë.

TIRANË- Zv. kryeministri Erion Braçe ka reaguar për dy viktimat që humbën jetën nga shembja e skelës. 48 orë, sepse, siç shkruan ai, ka zgjedhur të respektojë dhimbjen e familjarëve që kanë humbur jetën.

Në përgjigje të gjithë akuzave të mbërritura nga ana e opozitës, që lidhen edhe me faktin se ngjarja ka ndodhur në pallatin ku ai jeton, Braçe ka sqaruar, se përgjatë një harku kohor prej 16 muajsh, në kompaninë "Syla" janë kryer vetëm 7 kontrolle dhe ndonëse është gjetur me shkelje apo detyra të pa kryera, nuk është marrë asnjë masë, gjë e cila është konfirmuar edhe për Report Tv nga  inspektori Armand Loga. Për më tepër, në muajin e fundit, ku dhe kanë nisur punimet, nuk është bërë asnjë kontroll në kantierin e punimit, çka ngarkon me përgjegjësi të drejtpërdrejtë kompaninë "Syla" dhe "Xhimi", por edhe Inspektoriatin Shtetëror të Punës, për neglizhencë.

Në këto kushte, numri dy i qeverisë kërkon hetim deri në fund për këtë ngjarje të rëndë, teksa ka theksuar që të pestë punonjësit kanë qenë të siguruar në shtet.  Sa i përket akuzave se ka qenë ai që ka përzgjedhur dy firmat, për rikonstruksionin e pallatit të tij, ai ka sqaruar opinionin publik se “nuk ka pallat e vilë dhe si zëvendëskryeministër, nuk i ka kërkuar favor të paligjshëm kryetarit të bashkisë, Erion Veliaj.

Tre ditë më parë, si pasojë e shembjes së skelës, humbën jetën dy punëtorë, e ndërsa tre të tjerë kanë mbetur të plagosur. Lidhur me këtë ngjarje, janë vënë prangat dy drejtuesve teknikë, e ndërsa është në kërkim pronari i kompanisë 'Syla'.

Shkrimi i plotë i Erion Braçes
Ky është borxhi që ju kam Ergysit dhe Orjanit, çdo punëtori në këtë vend. Karrigia as që ka rëndësi fare këtu, as e kam pasur, as e kam kërkuar, as më mban e as e mbaj; si përherë mendova për punë, e kam parë dhe e shoh si punë. Tani, me shumë përulësi ndaj familjarëve të Ergysit dhe Orjanit, pasi heshta 48 orë në respekt të dhimbjes së pashembullt të tyre, durova po aq akuzat e një krimineli barabar që ka pushkatuar të rinj, prindër dhe, një tjetri, hajdut ordiner të cilin nuk e lënë të udhëtojë në SHBA, të dy politiqenë këta, një vrasësi barbar grash dhe një hajduti ordiner turistësh, njeri pronar medie e tjetri pronar i një shoqate që jepet me lekeë tek i paligjshmi i parë që do të luftojë si i paligjshëm qeverinë apo konkretin, dua të them ca të vërteta. Si qytetar si zëvendës kryeministër jo e jo, nuk kam përzgjedhur e kontraktuar as personin fizik “Xhimi” e as kompaninë “Syla”, për të kryer punime në pallatin ku unë banoj, edhe pse kontrata është për investimin, ligji për sigurinë në punë! Pesë herë, çdo muaj nga marrja e detyrës ka qenë kështu, 5 herë, çdo muaj nga marrja e detyrës i kam kontrolluar në rajone, s`i kam gjetur në punë, i kam pushuar (një pis i denoncoi si reprezalje mbi LSI dhe PD), 5 herë, çdo muaj nga marrja e detyrës kam marrë raporte prej tyre, i kam refuzuar si të pamjaftueshme e të pavlefshme, madje të padobishëm. Prej një muaji zero kontroll në një kantier me risk të lartë si ky, për më keq dy minuta nga zyrat e tyre, dëshmon se puna nuk është bërë sa e si duhet dhe i ngarkon me një përgjegjësi shumë të rëndë, si kompanitë ku sipas ligjit nis e duhet të garantojë sigurinë në punë, si agjencinë, që sipas ligjit duhet të kontrollojnë vetëm të kontrollojë përmbushjen e detyrimeve ligjore për sigurinë në punë. Ndaj drejtësia duhet të hetojë e gjykojë deri në fund, drejt e sipas përgegjësisë secilin.
 

B.K./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben tironci: 19/08/2019 00:45

    Shteti duhet ti lidhe pencion familjeve qe humben burrat se eshte fai i inspektorit te shtetit qe nuk ka bere inspektimin e skeles dhe licencimi I kompani se per te punuar ne lartesi ASHTU sic pretendon rilindasi konebrace Inspektori I shtetit duhet te shkonte ne OBJEKT ku punohet dhe te bente inspektimin

    Përgjigju
  • www.youngtribune.com: 18/08/2019 22:40

    Ore Erion Brace. Duhen vite qe shqiptaret te kuptojne se ne pune shkohet per pune dhe jo per kafe e muhabete. Ngushellime familjareve te viktimave

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00