TIRANË - Dy punëtorë humbën jetën pasi u zunë nën rrënojat e skelës të firmës “Syla” që u shemb nga lartësia e një pallati 13 katësh në rrugën "Faik Konica" në Tiranë, ndërsa 3 të tjerë mbetën të plagosur. Viktimat e ngjarjes së rëndë ndodhur rreth orës 15:00 janë 31-vjeçari Ergys Brahimaj dhe Orjan Kodra, 36 vjeç. Ata u nxorën të pajetë rreth 2 orë pas ngjarjes, teksa ndodheshin në rrënojat e skelës e cila u shemb nga lartësia duke i zënë poshtë.
Ndërsa tre punëtorët e të tjerë që mbetën të plagosur e që u transportuan në gjendje të rëndë në Spitalin e Traumës, janë Genti Bardhi 29 vjeç, Euglidios Lika 34 vjeç dhe Altin Marku 36 vjeç.
Prej më shumë se një muaji ata punonin në pallatin 13 katësh duke restauruar e lyer fasadën e këtij pallati.
Menjëherë pas ngjarjes, policia nisi edhe shoqërimet e para, për të marrë në pyetje të gjithë personat përgjegjës të cilët duhet të kishin marrë masat për sigurinë e këtyre punonjësve. Në pyetje u morën edhe inxhinieri teknik dhe administratori i firmës private që bënte lyrjen e pallatit, por emri i firmës, për arsye hetimore, nuk bëhet i ditur.
Teksa skela u shemb, në katin e fundit të pallatit, mbeti e varur një pjesë e saj, që rrezikoi edhe jetën e punonjësve të policisë e të forcave zjarrfikëse, në momentin që ata po nxirrnin trupat e pajetë të dy punëtorëve.
2 të vdekur dhe 3 të plagosur është bilanci tragjik nga shembja e skelës në një pallat në Tiranë. Report Tv sjell foto nga punëtorët e mbijetuar nga shembja e skelës së një pallati në rikonstruksion. Ata kanë marrë dëmtime të mëdha në kokë dhe në këmbë.
Njëri prej tyre shihet i shtrirë poshtë pallatit, ndërsa në duar mbanë telefonin celular. Ai ka dëmtime të dukshme në këmbë. Ndërkohë që një punëtor tjetër është i gjakosur në kokë.
Në një video të siguaruar nga Report Tv, shihet edhe vendi se ku kanë rënë skelat dhe rrënojat prej nga ku u nxorrën të pajetë dy punëtorë.
Përfaqësuesit e PD, Gent Strazimiri dhe Bardh Spahia janë tek Spitali Ushtarak për të qenë pranë familjeve të dy punëtoreve që humbën jetën sot në një aksident në punë.
Mësohet identiteti i të plagosurit të tretë nga shembja e skelës. Mësohet se ai është Altin Marku, i cili është dërguar me urgjencë në spitalin e Traumës. Si pasojë e shembje 2 punëtorë kanë humbur jetën dhe tre të tjerë kanë mbetur të plagosur rëndë. Ky është bilanci tragjik nga aksidenti në ambientin e punës.
Në këtë foto tregohet qartazi ku skela e kompanisë "Syla" është rrëzuar. Të gjitha pjesët e saj në katet e pallatit 13 katësh janë shembur, e ndërsa ka mbetur e montuar vetëm një pjesë në katin e fundit.
Ergys Brahimaj dhe Orjan Kodra janë punëtorët që mbetën të pajetë nga shembja e një skele në një pallat 13 katësh në lagjen "Faik Konica" në Tiranë. Brahimaj, 31 vjeç dhe Kodra 36 vjeç u nxorrën të pajetë nga rrënojat e skelës e cila u shemb nga gjithë lartësia e pallatit duke i zënë ata poshtë. Tre punëtorë të tjerë mbetën të plagosur në gjendje të rëndë.
Genti Bardhi , 29 vjeç Euglidios Lika 34 vjeç dhe Altin Marku 36 vjeç janë të plagosurit të cilët kanë shembje dhe plagë thuajse në gjithë trupin.
Foto1: Skela e montuar në një pjesë të pallatit. Foto2: Skela e shembur në pallatin 13 katësh dhe pjesa e vetme e mbetur e instaluar në katin e fundit
Prokuroria e Tiranës urdhëroi ndalimin e inxhinierit teknik dhe administratorit të kompanisë së skelave "Syla". Dy punëtorë humbën jetën pasi skela u shemb totalisht ndërsa ata punonin.
Report Tv mëson se punëtorët ishin duke bërë çmontimin e skelës nga njëra anë e pallatit 13 katësh, për ta montuar atë në një pjesë anë tjetër të ndërtesës. Gjatë këtij momenti, diçka nuk ka shkuar mirë dhe skela është shembur totalisht. E vetmja pjesë e skelës që ka mbetur në pallat është ajo në katin e 13 të tij, ndërsa e gjithë skela është shembur në të gjithë lartësinë e pallatit. Nuk dihet ende nëse punëtorët kanë rënë nga lartësia apo nëse ata i ka zënë skela teksa kanë qenë në katin e parë. Dy punëtorë u nxorrën të pajetë nga rrënojat e skelës, ndërsa tre të tjerë janë të plagosur, në gjendje të rëndë, në spitalin e Traumës.
Në pallatin 13 katësh do të kryheshin punime nga një firmë private për lyerjen e fasadës së tij.
Ka ndërruar jetë punëtori i dytë, i cili prej rreth dy orësh ka qenë nën rrënoja si pasojë e shembjes së skelës në pallatin ku po punonte. Lajmi është konfirmuar nga polica, ku bën të ditur se ka ndërruar jetë O. K.,36 vjeç dhe E. B.,31 vjeç.
Ky është momenti kur është nxjerrë i pajetë trupi i një prej punëtorëve që humbi jetën si pasojë e shembjes së skelës.
Në spitalin e Traumës në Tiranë janë dërguar dy nga personat të cilët u rrëzuan se bashku me skelën ku po punonin në një pallat 10 katësh në rrugën 'Faik Konica'. Të plagosurit janë Genti Bardhi , 29 vjeç dhe Euglidios Lika 34 vjeç. Gazetarja e Report Tv, Doris Sollaku njofton se të plagosurit janë në gjendje të rëndë për shkak të plagëve të marra në të gjithë trupin. Ndërkohë në spitalin e Traumës janë paraqitur edhe familjarët e të lënduarve të cilët kanë qenë të tronditur nga lajmi.
Skela që ka mbetur në katin e fundit ndërsa pjesa tjetër është rrëzuar. Foto A.Çakshiri/Shqiptarja.com
Raportohet se një pjesë e skelës vijon të jetë ende e montuar në katet e fundit të pallatit, duke përbërë një rrezik për jetën e punonjësve të policisë apo të shërbimit zjarrfikës të cilët ndodhen në vendngjarje dhe po punojnë për nxjerrjen e një prej punëtorëve nga rrënojat e pallatit. Mësohet se forcat zjarrfikëse janë futur në ambientet e brendshme të pallatit ku po bëjnë të mundur rregullimn e tyre për të mos sjellë pasoja më të rënda të kësaj ngjarje.
Një nga punëtorët që ndodheshin nën rrënojat e pallatit ka ndërruar jetë. Lajmi është konfirmuar zyrtarisht nga policia, e ndërsa një tjetër është ende nën rrënoja. Policia e Zjarrfikësja vijojnë punën për nxjerrjen e personit tjetër. Policia ka shoqëruar administratorin e punimeve për veprime të mëtejshme. Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
Kreu i Konfederatës së Sindikatave në Shqipëri, Kol Nikolla në një lidhje telefonike për Report Tv ka deklaruar se shkak për incidentin e rëndë është bërë mungesa e sigurisë në punë. Në këtë incident janë plagosur së paku 4 persona ndërsa dyshohet se poshtë rrënojave ndodhet edhe një person tjetër. Nikolla ka deklaruar se të gjithë përgjegjësit duhet të mbajnë përgjegjësi për këto incidente në punë. Më tej Nikolla shton se ngjarje të tilla ndodhin edhe në fasoneri apo në miniera por askush nuk është dënuar.
Më pas Nikolla thotë se shpreson që kjo ngjarje të mos përfundojë keq dhe se Refomra në Drejtësi të bëjë që gjykatësit dhe prokurorët të bëjnë punën e tyre për të vënë para drejtësisë personat përgjegjës.
"Uroj që të plagosurit të jenë mirë. Në të gjithë sektorët kemi pas raste të tilla. Siguria në punë ka qenë objektiv ynë për të ngritur zërin por fatkeqësisht rastet po bëhen mjaftë problematike. Është e pa falshme që gjithmonë jemi të fundit në ktë problem dhe nuk kemi asnjë person të vënë para përgjegjësisë. Në fasoneri në naftë në miniera etj... Kjo mund të vij edhe nga kriza politike, por kushtet teknike janë neglizhuar. Duhet të dalin para drejtësisë. Nuk funksionon mjeku i ndërmarrjes. Kantrier ndërtimi. 60-70% janë në kundërshtim me legjislacionin e punës, kjo mund të ishte katastrofë njerzore. gjencitë ligjëzbatuese duhet ete marrin masa. Së pari është qeveria. Agjencitë e kontrollit nuk po kryejnë punën e tyre. Besojmë se shumë shpejte reforma në drejtësi të japi frytet e veta dhe përgjegjësit e këtyre ngjarjeve të marrin përgjegjësinë. Jeta është e para duhet të ketë kontrolle" ka thënë ndër të tjera Nikolla.
Dy nga punonjësit që mbetën të plagosur si pasojë e shembjes së skelës janë dërguar në Spitalin e Traumës. Report Tv bën me dije të kanë mbetur të plagosur Genti Bardhi dhe Euglidios Lika, të cilët kanë marrë plagë të rënda në kokë dhe në trup. Njëri prej tyre do t'i nënshtrohet ndërhyrjes kirurgjikale.
Si pasojë e shembjes së skelës, dy punonjës kanë mbetur nën rrënoja. Bëhet e ditur se ata janë gjallë dhe policia është në kontakt me ta ku po bëhet e mundur nxjerrja e tyre.
Komente
Lajme të tjera
-
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Ekskluzive/ Report Tv sjell pamjet me dron, një grusht militantësh te rruga e ‘Elbasanit’ bllokojnë makinat në trafik (VIDEO)
23 Dhjetor, 18:37 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Trafiku i çmendur në Tiranë? Eksperti: Këto rrugë kemi, të disiplinojmë shoferët, gjobat i kemi shumë të lira! Këta ndalojnë për të pirë kafe
23 Dhjetor, 14:46 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Më 24 dhjetor në Tiranë mbrëmje festive për Krishtlindje! Muzikë festive, koncert në 19:00 në sheshin “Skënderbej”
23 Dhjetor, 12:47 -
Arta Dade në Festivalin e Këngës, u jep forcë vajzave dhe grave: Asnjëherë nuk është vonë për të qenë të suksesshme
23 Dhjetor, 09:07 -
VIDEO/ Skenë e shëmtuar në Tiranë, boksieri serb del në ring me këngën anti-shqiptare! Koçi e hedh 'K.O.'
23 Dhjetor, 08:44 -
Makthi i trafikut, policia nga e hëna me plan operacional! Shërbimet 12 orë në ditë, rrugët me dyndje në monitorim
22 Dhjetor, 15:19 -
Tiranë/ Eksploziv banesës në katin e 9-të të një pallati, frekuentohej nga Bernard Sinomati, vëllai i 'Buzëderrit' të Vlorës! Policia gjeti sende personale dhe dokumente
22 Dhjetor, 12:33
Harrova, skelat që përdor Syla dhe gjithë tëtjerët janë jashtë normave te sigurimit ne të gjithë UE!
PërgjigjuNuk janë të parët këta dy të shkretët.Këtij Sylës i kanë vdekur edhe të tjerë,kam degjuar. Megjithatë Skela Sulla bëhet me e famshme dhe pothuajse zotëron krejt tregun e ngritjes se skelave në vënd!!! Këto janë cudirat shqiptare: sa më shumë vret AQ më shumë të duan
PërgjigjuNuk e kuptoj pse kur ndodh diçka e keqe ne Shqiperi ju suleni te tere si bisha per ta share menyren se si behen punet. Permendni EU sikur thua atje s ka gabime njerezore, si ura Morandi qe ra ne Genova te Italise. Kulture eshte edhe te presesh te kuptosh me shume para se te gjukosh mbi tragjedine e tjetrit.
Përgjigjupo te ndodh kjo ne eu firma esht e falementuar 100% dhe burgu nuk diskutoher!!! do ju tregoj per nje rast te ngjashem si ky ne antwerpen te belgjikes ka oasur vetem nje te vdekur dhe firma esht falementuar e skeleve dhe te gjith personeli ne burg te demtuarit kan marr demshperblim maksimal nga 2 milon euro der ne 10 milion per te vdekurin!!! te njejten gje duhet te bej dhe drejtesi shqiptare keq ardhje per te vdekurit dhe te plagosurit
PërgjigjuShpresoj qe te gjithe te jene me jete dhe sherim te shpejte. Fajin e kane te gjithe nga pak duke filluar nga punetoret qe neglizhojne me sigurine e tyre dhe nuk lidhen kur punojne ne lartesi apo te veshin pajisjet e rekomanduara te sigurise ne pune. Se dyti punedhenesi apo nenkontraktori ne rast se nuk ka marre masat e duhura per te ngritur nje strukture te duhur te skeles dhe i treti shteti qe ne raste te tilla duhet t'i derrmoje kompanite me gjoba per mungese te sigurise ne pune qe heren tjeter me mire ai punedhenes te bleje 1000 Euro pajisje e rripa per te punuar ne lartesi dhe t'i detyroje me dhune punonjesit t'i mbajne veshur, se sa te paguaj miliona euro gjobe ne rast aksidenti.
PërgjigjuNë vendet e BE skelat janë të sigurta sepse ata që i montojnë studiojnë fillimisht vendin dhe kjo mund të marë disa ditë. Tek ne sipermarrësit harbutë e injorantë nuk duan t ia dinë për “studim vendi” sepse u duket sikur hedhin para kot perderisa studimi kerkon ditë. Keshtu qe i urdherojne Pinterest e shkrete ti ngrejne skelat sa më shpejt të jetë e mundur. Keshtu ndodhin aksidente. Tmerr i tmerreve!
Përgjigju