Kryeministri i vendit Edi Rama ka reaguar përmes një postimi në Facebook për shembjen e stadiumit kombëtar ‘Qemal Stafa’ ku ka thënë se sot nisi puna dhe se për 18 muaj mbyllet një nga stadiumet më të bukura në Europë.

Rama ka shtuar se, në inaugurimin e këtij stadiumi, që shpreson të ketë një ndeshje mes Shqipërisë e Kosovës, do të ketë një festë të madhe kuqezi me të ftuar nga çdo hapësirë ku jetojnë shqiptarët.

Ja statusi i hedhur në Facebook nga Edi Rama
Bashkë me rrugëtimin e Kuqezinjve në Finalet e Francës filloi edhe rrugëtimi për ndërtimin e Arenës Kombëtare 👍 Për 18 muaj do të hapim dyert e njërit ndër stadiumeve më të bukur të Europës (shpresoj me një ndeshje Shqipëri - Kosovë) dhe do të bëjmë festën më të madhe kuqezi me të ftuar nga çdo hapësirë ku jetojnë shqiptarët ‪#‎ForcaShqiperia.

Redaksia Online
(F.T/shqiptarja.com)