POP 5

Lajmet më të lexuara të 5 minutave të fundit

Kronikë

VIDEO/Shembje gurësh në Rrugën e Arbrit, bllokohet qarkullimi

Rrëshqitja e gurëve në vendin e quajtur Shkalla e Tujanit ka bërë që të bllokohet aksi nacional Tiranë-Peshkopi, e njohur si Rruga e Arbrit

Një masiv shkëmbinjsh është shembur në Rrugën e Arbrit duke bllokuar qarkullimin e automjeteve me drejtim nga Qarku Dibër drejt Tiranës dhe anasjelltas.

Konkretisht qarkullimi është bllokuar në vendin e quajtur “Shkalla e Tujanit” pak kilometra nga dalja e Tiranës. Shumë makina kanë mbetur të bllokuara në dy anët e rrugës, pasi lëvizja e mjeteve është ndërprerë për shkak të gurëve masive që kanë rënë në këtë aks rrugor.

Pas shembjes së masivit ka reaguar deputeti demokrat Kreshnik Çollaku, i cili ka publikuar dhe pamje.

"Rruga e Arbrit, një lëngim që nuk mbaron kurrë. Fushatat kanë mbaruar, shiritat janë prerë, ministra e kryeministra kanë kërcyer rrugëve duke festuar hapje tunelesh e kanalesh, shtrime asfaltesh etj. Në pamjet e mëposhtme shikohet qartë realiteti i punimeve në Rrugën e Arbrit. Shembje rrugësh në mes të ditës. Koncesioni i Rrugës së Arbrit ka kushtuar miliarda. Kjo situatë katastrofale ka vetem një emër: Keqperdorim i fondeve publike. Dosja e Koncesionit të Rrugës së Arbrit, shumë shpejt në SPAK. Keqpërdoruesit e abuzuesit përpara Drejtësisë.", shkruan Çollaku.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi