POP 5

Lajmet më të lexuara të 5 minutave të fundit

Kronikë

Bregdeti nga Velipoja në Shëngjin merr ngjyrë të verdhë, dyshohet se është shkaktuar nga poleni i pishave! Asnjë dëm për shëndetin

Bregdeti nga Velipoja në Shëngjin merr ngjyrë të verdhë që dyshohet se është shkaktuar nga poleni i pishave, një fenomen natyror i padëmshëm për shëndetin. Lajmi konfirmohet nga Drejtori i Zonave të Mbrojtura në Shkodër.

Bregdeti nga Velipoja në Shëngjin ka marrë ngjyrë të verdhë që dyshohet se është shkaktuar nga poleni i pishave, një fenomen natyror i padëmshëm për shëndetin. Drejtori i zonave të mbrojtura në Shkodër, kontaktuar nga Report tv konfirmon se është një fenomen natyror i zakonshëm. Ngjyra e verdhë në bregdet dyshohet se  është shkaktuar nga poleni i pishave.

Të dy zonat, si Shëngjini edhe Velipoja njihen per masivet e mëdha të pishave dhe pluhuri që formohet nga  ky lloj druri, me ndihmën e erës është përhapur edhe në det, ku në kontakt me ujin ka formuar edhe ngjyrën e verdhë. Poleni i pishave nuk ka asnjë dëm për shendetin, ndaj ky është një lajm i mirë për pushuesit e shumtë që po kalojnë të dielën në plazhet e Shëngjinit e Velipojës.

Kur vunë re ngjyrën e verdhë në bregdet, pushuesit që po kalojnë këtë të diel në plazh pasi temperaturat janë të larta, u shqetësuan dhe kërkuan që institucionet të viheshin në lëvizje për të zbuluar shkakun e ndotjes dhe pastrimin e menjëhershëm të vijës bregdetare. IKMT dhe Agjensia e Mjedisit shkuan në terren për të verifikuar situatën dhe morën analizat e ujit për të përcaktuar shkaqet e ngjyrës së verdhë në bregdet.

Përgjegjësi i IKMT Lezhë, Gjergj Elezi ngriti dyshimet se mund të ishte shkarkuar vaj nga ndonjë anije në bregdet, por Drejtori i Zonave të Mbrojtura në Shkodër konfirmon se është fenomen natyror që ndodh në çdo periudhë të këtij viti në brigjet e Adriatikut.

 

Rendit zhvillimet sipas orarit:
Ora 12:58
Ndotet bregdeti i Shëngjinit, vihen në lëvizje IKMT dhe Agjensia e Mjedisit: Dyshohet se një lëndë e verdhë është hedhur nga anijet

 

Ndotja e krijuar në bregdetin e Shëngjinit ka shqetësuar pushuesit, të cilët kanë pushtuar këtë vijë bregdetare këtë të diel dhe institucionet janë vënë në lëvizje. Përgjegjësi i sektorit të Mjedisit dhe Ujërave IKMT Lezhë, Gjergj Elezi ka folur para mediave duke thënë se kanë marrë kampionin e lëndës me ngjyrë të verdhë. 

“Ne kemi njoftuar policinë, kapitenerinë, agjensinë rajonale të mjedisit që ka marrë kampionin se çfarë lënde mund të jetë hedhur në det. Dyshimet e para tonat se materiali duhet të jetë hedhur nga anijet sepse është ndotje e madhe që ka prekur të gjithë bregdetin e Shëngjinit. Kjo ndotje është shqetësuese dhe në aspektin vizual”, thotë përgjegjësi i sektorit të Mjedisit dhe Ujërave IKMT Lezhë.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drini: 22/05/2022 13:28

    Sezon turistik te mbare zonjusha Mirela Kumbaro Furxhi !

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu