"Të lutem zonjë, mos bëni foto këtu". Zëri i edukatores gjermane më mpiu.
"Po fotografoj vajzën time në kopësht", i thashë ndërsa ajo e shqetësuar u afrua të shohë imazhin. Pasi verejti që fëmijët e tjerë nuk ishin në foto shtoi: "Fotografimi i fëmijëve në kopësht e shkolla është i ndaluar. Prindërit e fëmijëve kanë firmosur që nuk dëshirojnë që fotot e tyre të ekspozohen me shokë e shoqe në foton tuaj apo të të tjerëve. Vetëm në rast se ata ju njohin. Përderisa është dita e parë e kopshtit, kuptohet që ju nuk njiheni me ta. Në muajt në vijim do kemi takime me prindër që ju të njiheni mes jush", shtoi edukatorja pasi më lexoi mërzinë në sy.
Mandej duke ulur tonin miqësisht më merr për dore e më çon në një dhomë zhveshjeje ku ndodhej çanta e saj. "Shiko, tha, këtu kam celularin. Nuk mund ta përdor gjatë orëve të punës. Mund të vij t’i hedh një sy një herë në 2 orë mos kam ndonjë thirrje urgjente, por vetëm kaq".
I dhashë të drejtë, por ku ta dinte ajo se unë vija nga vendi "vdes të krenohem me fëmijën tim në Facebook". Vij nga vendi ku fëmijët pasi i fotografojmë për kujtim me emrin e shkollës, çerdhes apo kopshtit sipër kokës, pa një e pa dy e hedhim në rrjete sociale Facebook e Instagram.
"Nëse fotoja hidhet në rrjete sociale mund të përdoret për 1 mijë e 1 arsye të ndryshme nga persona me rrezikshmëri të lartë shoqërore", më pret fillin e mendimeve edukatorja.
"E di, i them, po si ia bëni kur vjen kryebashkiaku apo një politikan në kopësht dhe dëshiron të bëjë foto me fëmijët?"
Asaj i ngriu buzeqeshja në fytyrë dhe kundërshtoi: "Kjo nuk ndodh kurrë, aq më pak me fëmijët brenda institucioneve shtetërore".
Nuk mora guximin t’i shpjegoja vitrinën me foto fëmijësh në rrjete sociale të kryeministrit, ish-kryeministrave, kryebashkiakut e ish-kryebashkiakëve, politikanëve, drejtorave shqiptarë etj etj. Do i dukej çmenduri, budallallëk apo nëse i rrëfeja sesi fëmijët merren në mitingje apo fushata elektorale për qëllime politike. Do e mendonte Shqipërine tonë të vogël europiane si një vend të botës së tretë.
Por edukatorja kishte ende këshilla që i buronin kaq lirshëm nga goja.
"Nëse ka një aktivitet kulturor apo sportiv në kopshtin tonë dhe televizionet janë të interesuara të filmojnë atëherë duhet leja juaj zonjë. Një firmë nëse ke dëshire që fëmija të dalë atë ditë në tv. Gjithçka me mirëkuptim".
U binda por doja më tepër dhe hyra në rrjetet sociale që unë menaxhoj. Futa për kërkim në Facebook emrin e shkollës dhe kopshtit të fëmijëve të mi. Asnjë e dhënë. Jo vetëm që institucionet përkatëse nuk kishin Facebook, Instagram as që bëhet fjalë, por as edhe një foto e taguar me këtë emër.
M'u kujtua iniciativa e shumë kolegeve të mia gazetare që e kanë ngritur problemin e ekspozimit të fëmijëve në publik nga politika, por ende asnjë ndërgjegjësim zyrtar.
Në rrjetet sociale gëlon moria e fotografive që publikohen qëllimisht nga kopshte, çerdhe, shkolla private apo publike. Fëmijë që buzëqeshin e luajnë pa e ditur se do të jenë të ekspozuar para miliona përdoruesve.
Komente
Lajme të tjera
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
VIDEO/ Në fushë pa Canin, ekipi i Dinamos dhe trajneri emocionojnë me dedikimin për Martinin e vrarë me thikë në zemër
24 Nëntor, 22:19 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
BE-ja gjobit kompaninë Meta me gati 800 milionë euro për praktika 'abuzive'
14 Nëntor, 16:12 -
KUJDES! Hakerat e huaj po sulmojnë profilet shqiptare në Facebook! Hyjnë në llogaritë që sponsorizojnë bizneset, u vjedhin paratë e lidhura me kartë banke
17 Shtator, 11:00
-
'Do t'ju mbyllim Facebook' mesazhe mashtruese në celularë si ato të kompanisë Meta, policia apel qytetarëve: Mos kryeni asnjë veprim
16 Shtator, 19:58 -
'Mediat sociale dëmtojnë seriozisht shëndetin tuaj' 42 shtete amerikane kërkojnë të vendoset etiketë! Njësoj si për cigaret dhe alkoolin
13 Shtator, 15:51 -
Kompania Meta bllokon në WhatsApp hakerët e lidhur me Iranin
24 Gusht, 13:51 -
Viktima të shantazhit online?/ Sociologu Tushe: Nuk na morën në qafë rrjetet sociale, por kultura e mangët! Shkolla bën pak
16 Gusht, 14:41 -
Pamjet/ Rama njofton investimin elektro-energjetik me panele diellore në Lushnjë: Një gangrenë plehrash e shëruar, së shpejti park prodhimi energjie
13 Gusht, 08:14 -
Trump rrëfen telefonatat që mori nga Zuckerberg pas atentatit të dështuar: Faji i Inteligjencës Artificiale me 'halucinacione'!
3 Gusht, 21:14 -
Më shumë raste ankthi te fëmijet dhe adoleshentët, psikologët: Rrjetet sociale arsyeja kryesore, duhet kufizuar! Prindërit: Mision i pamundur
2 Qershor, 16:04
Eh sa kohe ju duhet shqipatreve ta kuptojne kete qe ke shkruar. Jo vetem qe femijet i nxjerrin si ne ankand, por sheh pataksi tek i nxjerrin per krenari pa rroba banjo buze detit, apo kur puthen buze ne buze me femijet e tyre..
Përgjigju