Roma do të blindohet në tokë dhe në qiell. Sheshi ‘Shën Pjetër’ në Vatikan do të jetë në masa të rrepta sigurie ndërsa pritet që Ati i Shenjtë të shpallë Shenjtore Nënën Terezë.
 
Në shesh do të jenë prezentë rreth 3 mijë agjentë, delegacione nga 15 shtete dhe rreth 100 mijë besimtarë të cilët do të marrin pjesë në ceremoninë e cila do të ndiqet në të gjitha vendet e botës.
 
Të pranishem do të jenë 600 gazetarë dhe 125 lidhje direkte. Në shesh do të jenë prezentë forca të specializuar të sigurisë duke nisur nga agjentët e anti-terrorit duke vijuar me karabinierët e forcat speciale.
 
Nga ora 8 e mëngjesit deri në orën 19 do të ndalohen fluturimet në qiellin e Shën Pjetrit.



d.b/shqiptarja.com