Në prag të shenjtërimit të Nënë Terezës, kandidati republikan për President të SHBA, Donald Trump ka shpërndarë një mesazh në faqen e tij në Facebook.

Donald Trump shprehet se ajo ishte një grua e shenjtë dhe e devotshme, që përfaqësonte më të mirën tek të gjithë ne.

"Nënë Tereza përfaqësonte më të mirën tek të gjithë ne. Ajo ishte një grua e shenjtë dhe e devotshme dhe unë mendoj se është e mrekullueshme të shohësh katolikët në mbarë botën që i bëjnë asaj kaq shumë nderime", shkruan Trump.

Nënë Tereza do të shenjtërohet nesër në Vatikan, ndërsa të pranishëm pritet që të jenë mijëra besimtarë.