Shenjtërimi I Nënë Terezës, Basha: Shndërrimi i misionit të saj në misionin tonë,  të sjellim shpresë për të rinjtë që largohen

Kreu i Partisë Demokratike Lulzim Basha ka përkujtuar ditën e Shenjtërimit të Nënë Terezës duke e cilësuar atë si ditë krenarie dhe reflektimi. Misionin e saj për të ndihmuar ata në nevojë, Basha shkruan se do kthehet në misionin e demokratëve për t’i dhënë një shpresë më të mirë për të rinjtë që largohen.

“Kremtimi i Shenjtërimit të Nënë Terezës është një ditë krenarie kombëtare dhe reflektimi. Mënyra më e mirë për ta nderuar Shën Terezën është shndërrimi i misionit të saj në misionin tonë, i shembullit të saj në frymëzim dhe nxitje për të bërë më shumë dhe me përulësi për ata që janë në nevojë e pa mbështetje, të braktisurit e të sëmurët, për të sjellë shpresë për një jetë më të mirë për gjithë të rinjtë dhe të rejat që si të vetmen zgjidhje shohin emigracionin, me besimin se edhe në ditët më të vështira, e mira triumfon gjithmonë mbi të keqen”, shkruan Basha.

LEXO EDHE:
Basketboll meshkuj/ Fillon faza play-off, Besëlidhja fiton ndaj Tiranës në ndeshjen e parë

Lajmi kryesor:

5 vite nga shenjtërimi i Nënë Terezës, shqiptares së jashtëzakonshme që jetën ia përkushtoi të varfërve të të gjithë botës! Kujtojnë veprën e saj Meta, Rama, Ruçi dhe Basha

TAG:
• edi rama
• Tirane
• lulzim basha
• Nene Tereza
• shenjterimi i nene terezes