POP 5

Lajmet më të lexuara të 5 minutave të fundit

Ekonomi

Shërbime pa faturë, një biznes i 
shumicës mund të gjobitet 37 mln €

Krahas gjobës prej 10 milionë lekë, detyrimet për TVSH dhe tatim fitimin, si rrjedhojë e rivlerësimit tatimor, e shumëfishojnë ndjeshëm penalitetin…Ministria e Financave po përgatit udhëzimin i cili do të shërbejë si bazë për zbatimin e ndryshimit të ligjit të procedurave, që hyri në fuqi në 12 nëntor dhe që parashikon ashpërsim të ndjeshëm të gjobave dhe penaliteteve ndaj bizneseve me shkelje. Ja shembulli i marrë.
TIRANE- Gjoba në këtë rast mund të shkojë deri në 5.2 miliardë lekë (37 milionë euro) dhe do të përllogaritet nga mbledhja e këtyre elementeve: Gjobë në masën 10 000 000 lekë për konstatimin;Rivlerësim i të ardhrave tatimore të 6 muajve të mëparshëm, 8 milionë lekë; Të ardhurat ditore të 6 muajve të mëparshëm, në total 14,7 miliardë lek për 6 muaj mbi të cilat zbatohet TVSH në masën 20%, e barabartë me 2,9 miliardë lekë; Mbi shumën 14,7 miliardë lekë zbatohet edhe tatimi mbi fitimin prej 15%, dhe detyrimi për tatimin mbi fitimin është i barabartë me 2,2 miliardë lek.
 
Grosistët
“Në kuptim të kësaj pike, tatimpagues që shet me shumicë është çdo person i tatueshëm, në kuptim të nenit 59 të ligjit dhe pikës 59 të këtij Udhëzimi, i cili kryen veprimtari tregtare të furnizimit të mallit me shumicë, pavarësisht nga fakti nëse është person i tatueshëm, subjekt i tatimit mbi vlerën e shtuar e te tatimit mbi fitimin apo, persona te tatueshëm, tatimpagues i tatimit të thjeshtuar mbi fitimin e biznesit të vogël”, thekson Ministria e Financave në dokumentin ku përcakton kategoritë e bizneseve që do i nënshtrohen kësaj formule.

Kjo dispozitë nuk zbatohet për tatimpagues (prodhues, importues) që tregtojnë me shumicë për tatimpagues të tjerë të regjistruar, por njëkohësisht kanë si pjesë të biznesit të tyre edhe njësitë e tregtimit me pakicë për publikun (rrjet dyqanesh) të pajisura me NIPT-e sekondare dhe pajisje fiskale. Automjetet e pajisur me NIPT-e sekondare, të cilat përdoren për shitjet me shumicë “derë më derë”, nuk konsiderohen njësi të tregtimit me shumicë.

“Përjashtimit, për të gjithë tatimpaguesit, të cilët me vullnetin e tyre bëjnë vetdeklarimin e mallit që kanë gjendje pa dokumente tatimore, me anë të një fature të përgatitur nga blerësi, sipas nenit 53, të këtij ligji, brenda datës 31.12.2015, nuk do të zbatohen penalitetet e përcaktuara në nenin 121 të ligjit të procedurave” thekson drafti.
 
Ndëshkimet
Vetëm pak kohë më parë Qeveria rriti ndjeshëm penalitetet për shkeljet fiskale, të cilat tashmëvariojnë nga 500 mijë lekë në 10 milion lekë si dhe kallëzim penal. Referuar këtyre ndryshimeve, me gjobë në masën 500 mijë lekë penalizohen bizneset që nuk deklarojnë adresën, nuk afishojnë listën e çmimeve të mallrave apo shërbimeve, nuk deklarojnë punonjësit, nuk deklarojnë pagën reale të punonjësve apo nuk lëshon kupon tatimor. Penaliteti me gjobë në vlerë 10 milion lekë do të aplikohet për rastet kur bizneset e mallrave me shumicë nuk lëshojnë faturë tatimore, dëftesë tatimore apo faturë tatimore me TVSH.

Drafti 
Ministria e Financave po përgatit një draft për ndëshkimin e kompanive grosiste që kryejnë evazion, i cili parashikon gjoba dhjetëra miliona  euro nëse u gjenden produkte pa faturë fiskale. Përmes dy shembujve, Ministria shpjegon si do përllogaritet gjoba për një tragtar shumice
 
Grosistët
Tatimpagues që shet me shumicë është çdo person i tatueshëm, i cili kryen veprimtari tregtare të furnizimit të mallit me shumicë, pavarësisht nga fakti nëse është person i tatueshëm, subjekt i tatimit mbi vlerën e shtuar e te tatimit mbi fitimin apo, persona të tatueshëm

 
Shkrimi u botua në Shqiptarja.com (print) në 01 Dhjetor 2015

Redaksia Online
(e.m/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07