POP 5

Lajmet më të lexuara të 5 minutave të fundit

Bota

Shërbimet ruse arrestojnë një italo-rus për akte sabotazhi

Një 35-vjeçar me nënshtetësi ruse dhe italiane, me banim në Ryazan, Rusi, u ndalua nga shërbimet ruse të sigurisë me akuzën e kryerjes së sabotimit duke dalë nga shinat e një treni dhe organizimi i një sulmi me dron në një bazë ushtarake

Shërbimet ruse arrestojnë një italo-rus për akte sabotazhi

Foto ilustuese e një personi në Moskë

Një 35-vjeçar me nënshtetësi ruse dhe italiane, me banim në Ryazan, Rusi, u ndalua nga shërbimet ruse të sigurisë me akuzën e kryerjes së sabotimit duke dalë nga shinat e një treni dhe organizimi i një sulmi me dron në një bazë ushtarake. Kjo është bërë e ditur nga shërbimi i brendshëm i inteligjencës, FSB, i cituar nga agjencia Interfax.

Sipas faqes së gazetës Moskovsky Komsomolets, personi i arrestuar për dy sabotimet quhet Ruslan Sidiki. Gazeta nuk i referohet shtetësisë së dyfishtë italiane dhe ruse të burrit.

Komiteti Hetimor Rus, organi që kryen hetimet për krimet më të rënda, tha se i arrestuari kishte pranuar fajësinë në lidhje me akuzat e ngritura kundër tij si organizimi i një sulmi me dronë të ngarkuar me eksploziv kundër bazës ushtarake Dyagilevo, në Rajonin e Ryazanit korrikun e kaluar. Dhe pasi kreu një sulm shpërthyes në një hekurudhë në të njëjtin rajon më 11 nëntorin e kaluar, i cili shkaktoi daljen nga shinat e një treni mallrash.

Veprimet të cilat, sipas shërbimeve ruse të sigurisë, u kryen me urdhër të inteligjencës ushtarake ukrainase (GUR), e cila rekrutoi njeriun shkurtin e kaluar në Stamboll, raporton Ansa.

Të njëjtat burime thonë se i arrestuari ishte trajnuar për të kryer sulme me eksploziv në Letoni, "me pjesëmarrjen e drejtpërdrejtë të shërbimeve speciale letoneze".

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10