Shërbimin e markimit dhe monitorimit të karburanteve do e bëjë shteti, Konfindustria: duhet të hiqet tarifa, kosto për qytetarët

Shërbimin e markimit dhe monitorimit të karburanteve do e bëjë shteti, Konfindustria: duhet të hiqet tarifa, kosto për qytetarët

Foto ilustruese

Me përfundimin e afatit të koncesionit të Markimit dhe Monitorimit të karburanteve ky shërbim do të kalojë nën përgjegjësinë e Drejtorisë së Përgjithshme të Doganave.

Konfindustria thotë se mbështet vendimin e qeverisë për të mos i zgjatur më tej afatin këtij koncesioni. Sipas Konfindustrisë duhet të hiqe tarifa 2 lekë për çdo litër naftë, me argumentin se rëndon qytetarët pasi rrit çmimin e karburantit.

Më tej në njoftim ata thonë se koncesioni 11 vjeçar i ngjyrosjes së karburanteve i ka kushtuar mbi 60 milionë euro qytetarëve dhe bizneseve shqiptare, edhe pse nuk ka ndikuar në uljen e sasisë së karburantit kontrabandë që ka hyrë në vend.

"Konfindustria mbështet vendimn e ekzekutivit për mos përtëritjen e koncesionit “të ngjyrosjes së karburanteve” dhe marrjen në zotërim shtetëror të aktivitetit. Gjithashtu, Konfindustria kërkon, heqjen e plotë të tarifës në fjalë dhe marrjen e masave të përcjelljes në uljen e cmimit fundor të karburanteve. Shqipëria ka ndër cmimet më të larta të karburanteve në Europë dhe ngarkesa fiskale e rëndë përbën pjesë të rëndësishme.

Konfindustria vlerëson, se koncesioni 11 vjecar i ngjyrosjes së karburanteve i ka kushtuar mbi 60 milionë euro qytetarëve dhe bizneseve shqiptare, duke rënduar cmimin fundor të shtijes, pa asnjë përfitim të prekshëm ekonomik. Fakti, që sasia e karburantit kontrabandë në vend është e lartë tregon, që qëllimi i dënjes së koncësionit në fjalë nuk është arritur. Tregues është kapja e njëpasnjëshme e anijeve me kontrabandë të karburanteve një pjesë e madhe e të cilëve edhe nga vende nën embargo si Rusia, Irani,Libia, etj", thuhet në njoftim.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Beleri mbërrin në Athinë: Aventurës sime po i vjen fundi, jam i pafajshëm! Himariotët kanë 'nënën' Greqi që i mbron

Beleri mbërrin në Athinë: Aventurës sime po i vjen fundi, jam i pafajshëm! Himariotët kanë 'nënën' Greqi që i mbron