Shërimi përmes gishtave! Gishtat e dorës përgjegjëse për organet tona, ja harta e organeve që korrespondojnë

I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte Prof. As. Dr. Kujtim Haxholli, i cili foli për refleksologjinë e duarve në qetësimin e dhimbjeve të ndryshme të trupit.

”Çdo gisht i dorës tonë sipas mjekësisë kineze lidhet me një organ të trupit dhe është përgjegjës për kurimin e disa problemeve që mund të na shfaqen në organizëm” e nis kështu bisedën, profesori i jogës dhe i edukimit fizik, duke shtuar se jo vetëm dora i përgjigjet refleksologjisë, por dhe shputat e këmbëve mbartin shumë energji.

”Gishti ynë tregues lidhet me energjinë e organit të mushkërisë, nëse ne e masazhojmë, mund të qetësojmë inflamacionin e këtij organi” tha Profesori në studio. ”Gishti i mesit i dorës së majtë lidhet me energjinë e organit të mëlçisë, ndërsa gishti i unazës korrespondon me organin e zemrës, kjo është dhe arsyeja që njerëzit vënë unazën e martesës tek gishti i zemrës” shtoi ai, duke vazhduar se pikërisht në këtë gisht merret dhe gjaku. Në fund, mbetet gishti i vogël i dorës së majtë që sipas profesorit i korrespondon veshkave.

LEXO EDHE:
Frazat që ju bëjnë të dukeni i pasigurt

Dora e djathtë, sipas filozofisë jing-jang, reflektohet në organe të tjera të trupit siç janë: zorrët, pankreasi, apo zorrët e holla. Më pas Kujtimi u ndal dhe tek shputat e këmbëve, ku refleksologjia ka një rëndësi të veçantë.

”Gjëja më e mirë që duhet bërë është që të ecet zbathur në mëngjes, kur bie vesa e parë, në një ambient me bar” theksoi Haxholli, duke shtuar se jo më kot mjeku kinez njihet ndryshe si “mjeku këmbëzbathur”.

Profesor Haxholli është autor tekstesh mësimore dhe monografish në fushën e "Edukimit Fizik dhe Sporteve" dhe pjesëmarrës në një sërë projektesh të rëndësishme me fokus kryesor zhvillimin e sporteve në Shqipëri. Përveç përvojës akademike në mësimdhënie dhe në drejtim të njësive bazë të Arsimit të Lartë, ai ka spikatur edhe si sportist elitar, kampion e rekordmen i padiskutueshëm në Gjimnastikë. Këto cilësi të larta si sportist i ka transmetuar edhe si trainer i ekipeve kombëtare pranë Federatës së Gjimnastikës, duke rritur dhe edukuar breza të tërë sportistësh të talentuar. Ai mban gradën shkencore "Doktor" dhe titullin "Profesor i Asociuar".   

MC/Shqiptarja.com

TAG:
• Cdo gisht korrespondon me nje organ
• Sherimi permes gishtave
• Refleksologjia e duarve
• Kujtim Haxholli
• intervista
• rreze dielli