Sherr me familjarët për prona, Ezequiel Lavezzi goditet me thikë dhe shtrohet në spital

Sherr me familjarët për prona, Ezequiel Lavezzi goditet me thikë dhe shtrohet në spital

Ezequiel Lavezzi

URUGUAI - Ish-ylli i Napolit, Paris Saint Germain dhe Argjentinës, Ezequiel Lavezzi është shtruar në spital pasi u godit me thikë. Sipas gazetës amerikano-jugore Clarin, Lavezzi ndodhet në spital në rajonin Punta del Este të Uruguait jashtë rrezikut për jetën.

Pretendohet se ai ishte përfshirë në një debat me familjarët në orën 5 të mëngjesit të së mërkurës pas një feste në shtëpinë e tij. Ai dyshohet se ka mbetur i plagosur në bark gjatë sherrit, ndërsa ka pësuar edhe thyerje të kockës së klavikulës.

Në lidhje me këtë, gazeta El Observador shkruan: “Ata goditën me thikë ish-futbollistin argjentinas Ezequiel Lavezzi në Punta del Este. Ishte një debat familjar”  dhe shton se burime policore konfirmuan se incidenti ishte “për një çështje parash dhe pronash”, thuhet në median në fjalë.

Ndërkohë ka reaguar edhe policia për të sqaruar versionin e ngjarjes.

“Për momentin nuk dihet si kanë qenë ngjarjet dhe motivet zyrtare. Po punohet për marrjen e deklaratave nga dëshmitarët në vendngjarje, pronarë dhe punonjës. Për momentin nuk dihet arsyeja e plagosjes”, shtoi zyrtari policor.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme

Eksperti i PD-së: Rënia e Euros rrit çmimet, qeveria të jetë më e kujdesshme