DIBËR-Një ngjarje e rëndë ka ndodhur mbrëmjen e kësaj enjte në Dibër, ku pas një konflikti mes krushqëve, kanë mbetur të plagosur 6 persona.

Mësohet se të plagosurit, identiteti i të cilëve nuk dihet ende, kanë marrë plagë serioze. Informacionet e para janë se ngjarja ka ndodhur pas një sherri për motive banale.

Siç raporton gazetari i Report Tv, sherri ka nisur në mes të një lokali në bulevardin e qytetit, por të plagosurit ndonëse të lënduar, janë përplasur edhe në spitalin e Dibrës. Kanë qenë bluzat e bardha që kanë ndërhyrë për të shuar sherrin, duke parandaluar përshkallëzimin e tij.

Grupi hetimor po kryen veprimet në vendngjarje, si dhe po punohet për sqarimin e rrethanave të kësaj ngjarjeje.