Sherr për 'ngacmime gocash' në Shkodër, arrestohet autori

Arrestohet autori i plagosjes së trefishtë, të ndodhur mesditën e sotme. Në pranga ka rënë Aldo Hasani. 

"Menjëherë pas ngjarjes së ndodhur mesditën e sotme, në lagjen “Qemal Stafa”, Shkodër, ku shtetasi A. H., pas një konflikti për motive të dobëta, plagosi me thikë tre bashkëmoshatarët e tij dhe u largua, shërbimet e Komisaritait të Policisë Shkodër, në bashkëpunim me Forcën e Posaçme Shqiponja të DVP Shkodër, janë vënë në ndjekje të autorit dhe kanë ushtruar kontrolle të shumta në ambiente të ndryshme, në akse rrugore dhe në lagjet e qytetit të Shkodrës. 

Për shkak të presionit të Policisë dhe falë negociatave me familjarët e shtetasit A. H., u bë e mundur që rreth orës 20:00, ky shtetas të vetëdorëzohej në Komisariatin e Policisë Shkodër, për veprime të mëtejshme proceduriale.

LEXO EDHE:
Veliaj në SPAK, Klosi e Spiropali nga Shkodra: S'na shqetëson, jemi të hapur për drejtësinë e re

Shtetasi A. H. plagosi me mjet prerës thikë, bashkëmoshatarët e tij, shtetasit K. H., E. T. dhe Xh. P. Shtetasi Xh. P. ndodhet në spital, në kujdesin e mjekëve, ndërsa dy shtetasit e tjerë, pas ndihmës mjekësore, janë larguar në banesë. Materialet proceduriale do t’i kalojnë Prokurorisë, për veprën penale “Plagosja e rëndë me dashje", njofton Policia. 

Lajmi kryesor:

VIDEO/ Sherr për 'ngacmime gocash' në Shkodër! 18 vjeçari plagos 3 bashkëmoshatarë, njëri prej tyre në gjendje të rëndë! Vetëdorëzohet pas disa orësh autori

B.K./Shqiptarja.com

TAG:
• Aldo Hasa
• sherr me thika
• spitali i shkodres
• Shkoder