POP 5

Lajmet më të lexuara të 5 minutave të fundit

Politikë

Sherri Berisha–Basha ‘ngrin’ riformatimin e strukturave të PD-së në bazë, 72 degët ende pa zgjedhje për kryetarët e rinj

Debati për përjashtimin e Berishës la pezull zgjedhjet për krerët e degëve në bazë, proces që pritej të zhvillohen gjatë muajit shtator. Për Lulzim Bashën ky proces bëhet edhe më i vështirë, pasi disa krerë degësh të rëndësishme janë rreshtuar në krah të krah të ish kreut të PD.

Debati i brendshëm që ka mbërthyer Partinë Demokratike ka lënë pezull një sërë procesesh që priteshin të përfundonin në selinë blu, pas një faze riorganizimi që kjo e fundit u përfshi pas humbjes së zgjedhjeve të 25 prillit.

Lulzim Basha u rikonfirmua në krye të PD për herë të tretë, proces që u pasua nga zgjedhja e Këshillit të ri Kombëtar, e më pas e kupolës drejtuese: Kryesia e re dhe 4 nënkryetarët.

Por vendimi i kryedemokratit Lulzim Basha për të përjashtuar Sali Berishën nga grupi parlamentar më 9 shtator hoqi vëmendjen nga procesi i radhës në të cilin gjatë muajit të kaluar do të përfshihej baza e PD: zgjedhja e drejtuesve lokalë.

“Brenda datës 1 Shtator , Sekretariati Organizativ i Partisë i paraqet Kryesisë informacion të plotë për gjendjen dhe veprimtarinë e strukturave vendore të partisë, si dhe i propozon, sipas rastit, zgjedhje të reja në strukturat vendore të Partisë. I gjithë procesi i analizës dhe, aty ku është rasti, i ristrukturimit të organeve vendore të Partisë, përfundon brenda datës 30 Shtator 2021” thuhej në vendimin e marrë në qershor të këtij viti dhe që mban firmën e kryedemokratit Basha e Sekretarit të Përgjithshëm Gazment Bardhit.

Ky proces duket se do të bëhet akoma e më vështirë tashmë që vendimi për Berishën ka prekur edhe krerët e degëve, shumë prej të cilëve kanë dalë hapur në krah të tij duke kundërshtuar Lulzim Bashës, si kreu i degës së Fierit Luan Baçi, ai i Vlorës Genc Deromema, apo edhe Dashamir Aliko i Gjirokastrës.

Kjo mund të jetë sfida e radhës e Lulzim Bashës,  i cili teksa po përballet me kritika në selinë qendrore, do të duhet të mirëmendojë edhe drejtuesit në  niveleve lokale të partisë për të patur në degë një PD të gatshme për zgjedhjet e ardhshme lokale.

Pjesë e dokumentit të firmosur nga Lulzim Basha për analizën brenda partisë pas zgjedhjeve të 25 prillit. 
 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

11 Janar, 18:45 nga Armand Xhelili