Sherri në bar 'Orange', arrestohet një nga truprojat e lokalit, nën hetim 9 persona, mes tyre edhe 2 pronarët, vëllezërit e Spiro Iljadhit! Fshinë pamjet e përplasjes   

9 persona janë proceduar penalisht, mes tyre edhe dy pronarët, dhe një tjetër është arrestuar në Sarandë, pas sherrit mbrëmjen e djeshme te bar "Orange".

Mësohet se në pranga ka rënë Xhemal Domi, një nga truprojat e lokalit, ndërsa dy pronarët e proceduar janë Margarit dhe Miltjadh Iljadhi, vëllezërit e Spiro Iljadhit, i cili u plagos me armë zjarri disa javë më parë. Këta të fundit akuzohen se kanë fshirë pamjet e sherrit të ndodhur në lokal. Margariti dhe Miltjadhi jetojnë mes Amerikës dhe Shqipërisë si dhe kanë pasaportë amerikane.

 Ata akuzohen edhe për “Punësim i paligjshëm”, pasi ka rezultuar se 3 personat e përfshirë në konflikt, të cilët punonin si truproje në këtë lokal, ishin të paregjistruar/siguruar

Ndërkohë janë proceduar penalisht edhe Xhevit Saliasi, Tedi Dine, Armend Muja, Florent Mustafa, Elson Simoni, Fuad Veliu, ,  Aldo Bërthanza, Mahdi Nasir dhe Michail Tshihanguli, këta tre të fundit turistë anglezë, të përfshirë në konflikt.

Lajmi kryesor:

Sherr me grushte pas koncertit të Noizyt te club ‘Orange’ në Sarandë, nën hetim 2 pronarët, vëllezërit e Spiro Iljadhit! Fshinë pamjet e sherrit të ndodhur brenda! I arrestuar një truprojë

TAG:
• Noizy
• sherr
• sarande
• Spiro Iljadhi
• bar orange
• Margarit iljadhi
• Miltjadh Iljadhi