POP 5

Lajmet më të lexuara të 5 minutave të fundit

Kronikë

Sherri për makinat tek TEG, Fatjon Dauti lihet 15 ditë në burg: Arma nuk është e imja! Futbollisti i Laçit dhe 3 të tjerë ende në kërkim

Gjykata e Tiranës la në burg me afat 15 ditor 30-vjeçarin, Fatjon Dauti, i cili arrestua pas një konflikti me shkop bejsbolli, tek rreth rrotullimi i TEG.

Sherri për makinat tek TEG, Fatjon Dauti lihet 15 ditë në burg: Arma nuk është e imja! Futbollisti i Laçit dhe 3 të tjerë ende në kërkim

Makina e Fatjon Dautit

TIRANË- Gjykata e Tiranës la në burg me afat 15 ditor 30-vjeçarin, Fatjon Dauti, i cili arrestua pas një konflikti me shkop bejsbolli, tek rreth rrotullimi i TEG. Ndaj tij u ngrit akuza për armëmbajtje pa leje dhe prodhim dhe shitje të lëndëve narkotike, pasi në vendngjarje policia gjeti edhe një armë që dyshohet se i përket Dautit.

I riu emigrant, i cili vijon të jetë në spital me plagë të rënda, pretendon se arma nuk është e tij, ndërsa lëndën narkotike e kishte për përdorim vetjak. Në këto kushte gjykata 15 ditë burg derisa armës t’i kryhet ekspertiza për të parë nëse janë gjurmët e gishtave te tij.

Ndërkohë, vijojnë të jenë në kërkim tre personat e tjerë mes tyre dhe futbollisti i Laçit, Mario Bajrami.

Sherri ku u përfshi Dauti ndodhi më 22 gusht në rrethrrotullimin e TEG. Dauti ka qenë duke lëvizur me Audin luksoz kur është përfshirë në një aksident. Motra e futbollistit të Laçit e ka përplasur, ndërsa Dauti ka debatuar me të. Vajza ka thirrur në ndihmë vëllanë futbollist dhe bashkëshortin e saj Isuf Lika.

Dauti ishte i shoqëruar nga një mik i tij, 29-vjeçari Adem Noreci dhe janë përplasur dhunshëm me futbollistin dhe kunatin e tij. Sherri ka degraduar në dhunë fizike, ku djemtë kanë përdorur sende të forta. Me një shkop bejsbolli që kishin me vete, dyshohet se futbollisti dhe kunati i tij, kanë qëlluar në xhamin e pasmë të audit luksoz të Dautit si edhe kanë dhunuar 29-vjeçarin.

Të përfshirët në sherr
Fatjon Dauti 29 vjeç banues në Krume (I arrestuar)
Adem Noreci 29 vjeç, banues në Tiranës (Në kërkim)
Marjo Barjamaj 26 vjeç banues në Tiranës (Në kërkim)
Isuf Lika 24 vjeç banues në Domje (Në kërkim)

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ska problem: 26/08/2024 15:45

    Per te qeshur dhe per te qare shtet klloun rojen e baces 70 vjecarin gjykata jep burg pa afat dhe kriminelelet qe shesin droge diten per diell tregon qe gjykatesit jane njerez te ndershem sipas reformes

    Përgjigju
  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Çaça: Lufta e brendshme e PD-së ndodh edhe sepse nuk besojnë te fitorja e zgjedhjeve, e kundërta ndodh te PS-ja!

Çaça: Lufta e brendshme e PD-së ndodh edhe sepse nuk besojnë te fitorja e zgjedhjeve, e kundërta ndodh te PS-ja!

1 Prill, 22:55