POP 5

Lajmet më të lexuara të 5 minutave të fundit

Politikë

Sheshi i Flamurit, qeveria në
Vlorë si te "Autobuzi i Kuçit"

Nëse ka një foto që duhet të shpjegojë dëshirën e qeverisë për të prishur festën në kryeqytetin e Flamurit, është ajo e shkrepur mesditën e të mërkurës në qytetin e Vlorës.
VLORE - Nëse ka një foto që duhet të shpjegojë dëshirën e qeverisë për të prishur festën në kryeqytetin e Flamurit, është ajo e shkrepur mesditën e të mërkurës në qytetin e Vlorës.

Pushtetarët e ardhur nga Tirana, vetëm për disa orë, u rreshtuan të gjithë, si te shprehja vlonjate “Autobuzi i Kuçit’, gjithseicili për të qenë në vend të parë. Pas presidentit Bujar Nishani në radhën e parë janë, nga e majta në të djathtë: Ministri i drejtësisë, Eduard Halimi, guvernatori Adrian Fullani, ministrat Sokol Olldashi e Arben Imami, pastaj kryeministri i Kosovës, Hashim Thaçi, kryeministri Sali Berisha, kreu i PPE, Martens, presidentja e Kosovës, Atifete Jahjaga, kreu i bashkisë së Vlorë, Shpëtim Gjika, kryeparlamentarja Jozefina topalli, homologu nga Kosova, Jakup Krasniqi dhe prefekti i Vlorës.

Në radhë të dytë deputetja e PD, Albana Vokshi, ministrat Fatmir Mediu, Genc Ruli, Aldo Bumçi, Genc Pollo e Majlinda Bregu. Më pas miqtë nga Kosova si zv.kryeministri Behgjet Pacolli, zonja e parë Odeta Nishani, bashkëshortja e kryeministrit, Liri Berisha, bashkëshorti i kryetares së Kuvendit, kryetari i PS-së, Edi Rama dhe bashkëshortja e tij Linda.

Në radhë të tretë është truproja e Berishës, pastaj nënkryetari i Kuvendit të Kosovës Xhavit Haliti dhe Sabri hamiti, më tej ish-presidenti Bamir Topi.

Rendi i fundit është edhe më interesant: në të majtë duket kryetari i bashkisë së Kamzës, Xhelal Mziu, më tej deputeti Pandeli Majko, afër tij publicisti Preç Zogaj, deputeti i PS, Fatmir Toçi, Dashamir Peza, Adrian Turku, politikani nga Maqedonia Imer Aliu, ish-deputeti Sali Shehu, deputeti Gazmend Oketa, shefi i shtabit të ushtrisë Xhemal Gjunkshi. Dhe “ëmbëlsira” për në fund: Ilir Meta, kreu i LSI-së, është një vend pas shpinës së këshilltarit të Nishanit, Fatmir Konja.


skema e te ftuarve

Shkrimi u botua në numrin e sotëm të së përditshmes SHQIPTARJA.com

(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Psikologia Mirjeta Pestisha: Krijoni hapsira për fëmijët tuaj dhe drejtojini në zgjedhjet e duhura

Psikologia Mirjeta Pestisha: Krijoni hapsira për fëmijët tuaj dhe drejtojini në zgjedhjet e duhura

12 Janar, 14:35