POP 5

Lajmet më të lexuara të 5 minutave të fundit

Politikë

Sheshi “Skënderbej” ftohet në
Bienalen e Arkitekturës në Çikago

Sheshi “Skënderbej” hapet sot në mbrëmje për qytetarët, pas 10 muajsh punime intensive, por suksesi i projektit duket se ka thyer tashmë kufijtë e Tiranës dhe Shqipërisë.
Sheshi “Skënderbej” hapet sot në mbrëmje për qytetarët, pas 10 muajsh punime intensive, por suksesi i projektit duket se ka thyer tashmë kufijtë e Tiranës dhe Shqipërisë.

Në Bashkinë e Tiranës ka mbërritur një ftesë nga Bienalja e Arkitekturës së Çikagos, një nga evenimentet më prestigjoze në Amerikë, por edhe në botë, në fushën e arkitekturës, për të shfaqur projektin e Sheshit “Skënderbej” në një nga pavionet e saj për vitin 2017, ku marrin pjesë një grup arkitektësh të përzgjedhur ndërkombëtarë. Në vitin 2015, Bienalja e Arkitekturës së Çikagos u vizitua nga më shumë se gjysmë milionë vizitorësh.

Ky është vlerësimi i parë që i bëhet projektit të Sheshit “Skënderbej”, i cili ende pa u hapur plotësisht, po korr admirues jo vetëm nga qytetarët e Tiranës.

Ndërkaq, edhe arkitekti i njohur shqiptar, Artan Shkreli, e ka cilësuar projektin e Sheshit “Skënderbej” si një surprizë të këndshme e të parrëfyeshme, një hapësirë e pamatë që i kishte munguar Tiranës prej dekadash.

“Cilësia e punimeve, ajo e teknikave të ndërtimit dhe e rifiniturave të përdorura, janë një shkollë e mirëfilltë e teknologjisë së arkitekturës së hapësirave urbane për nivelin e ndrojtur të zbatimit në Shqipëri. Ndërsa, artikulimi i korridoreve e mjediseve "aventureske", sapo merr të zbresësh nga pika kulmore e kundrajës delikate të sheshit, është emocionues. Sheshi në vetvete, mendoj se është më i mirë, por shumë më i mirë nga ai i Zogut, Emmanueles apo Hoxhës... hapësinor dhe njerëzor në të njëjtën kohë... rigoroz dhe zbavitës njëkohësisht... publik dhe intim në nyjetimin e tij mbresëlënës”, shkruan Shkreli.
[gallery]22639[/gallery]


dy.b/shqiptarja.com

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

10 Janar, 08:17