POP 5

Lajmet më të lexuara të 5 minutave të fundit

Kronikë

Shfaqet dokumentari për shqiptarët në kampet siriane, Koplikaj: 50 gra e fëmijë në kampe, rrezikojnë të radikalizohen

Një dokumentar për shqiptarët që luftuan në Siri dhe gratë e fëmijët që kanë mbetur ende atje, u shfaq premiere në Shkodër. Autori është gazetari i njohur, Taulant Koplikaj, i cili shprehet se është e nevojshme riatdhesimi i të gjithë shqiptareve në  kampe

Një dokumentar për shqiptarët që luftuan në Siri dhe gratë e fëmijët që kanë mbetur ende atje, u shfaq premiere në Shkodër. Autori është gazetari i njohur, Taulant Koplikaj, i cili shprehet se është e nevojshme riatdhesimi i të gjithë shqiptareve në  kampe. 

"DAESH" është dokumentari i gazetarit Taulant Koplikaj që u shfaq premierë për publikun shkodran në Kinema Millenium.

Lindja, shkëlqimi dhe rënia e organizatës terroriste ISIS, përfshirja e shqiptarëve në këtë organizatë përmes rekrutimeve okulte dhe fati i grave dhe fëmijëve shqiptarë në kampet siriane, erdhën në një narrativë analitike të Koplikajt dhe emrave të njohur të gazetarisë shqiptare. Gjithashtu përmes intervistave dhe dëshmive reale të të mbijetuarve të terrorizmit sollën dritë-hijet e luftës në tokat e Shamit.

Gazetari Taulant Koplikaj apeloi për ritatdhesimin e të paktën 50 fëmijeve dhe grave që gjenden akoma ne kampet e tmerrit.

'Shkuam në qytetin Raqqa-s, që është simbloi i ISIS dhe treguam rrëfime personale të njerëzve që kanë vuajtur në dhunën e ISIS. Hap tjetër kanë qenë kampet, kemi shkuar në dy kampet kryesore të xhihadistëve dhe jemi munduar të sjellim sa më shumë dëshmi të grave e fëmijëve. Fati i mirë deshi që pas kësaj pune të mirë, u tërhoq një pjesë e tyre, por s'duhet të harrojmë se atje janë ende 50 gra e fëmijë që rrezikojnë të radikalizohen', tha gazetari.

Për 60 minuta dokumentari përcolli dëshmi, emocione duke sjellë për herë të parë rrëfimin e një shqiptari nga Kosova që akuzohet si luftëtar i ISIS dhe që mbahet në burgjet e autoriteteve siriane. 

Në fund të premierës, Unioni i Pavarur i Gazetarëve i dha Çmimin “Hamid Boriçi” gazetarit Koplikaj për mediatizimin e historisë së Alvin Berishës dhe shqiptarëve të tjerë që u shpëtuan nga kampi Al-Hol.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57