Shfaqet Superhëna mbi Tiranë
më afër se kurrë ndaj Tokës

TIRANE - Hëna më e plotë dhe e shndritshme e vitit është mbrëmjen e sotme, në qiellin shqiptar.

Një event që e bën natën e nxehtë të gushtit më të shndritshme e më emblematike. 
Sipas studiuesve të hapësirës, pamja e saj magjike u shfaq në cdo cep të globit .
Edhe në Tiranë , ajo është shfaqur shumë pranë me tokën. 

Sot Hëna është shfaqur 12 % më e madhe dhe 30 % më e shndërritshme . Sipas NASA-s, fenomeni i “Superhënës” ndodh kur pika e saj i afrohet së tepërmi planetit të Tokës, për shkak të orbitës së saj eliptike.

Kjo është hera e dytë që ndodh si proces brenda këtij viti pas asaj të janarit 2014.  Ky fenomen do të perseritet në vitin 2034 ndërsa duke nisur nga sot, shiu i meteoritëve ‘Preseida’ do të arrijë maksimumin, i ndjekur nga topat e zjarrtë.



Por po ashtu ka dhe një hënë të kundërt, që njihet si ‘Mikrohëna’, e cila ndodh në çastin kur orbita e saj i largohet në ekstrem tokës. Ka patur kaherë disa spekulime se me ardhjen e Superhënës dhe për shkak të tërheqjes gravitacionale të saj kjo e fundit mund të nxiste rritjen e aktiviteteve tektonike duke shkaktuar tërmete, ndodhi të cilat janë kundërshtuar nga komuniteti shkencor. 



(Në foto, superhëna në qiellin e Tiranës) Foto të tjera


(Në foto, superhëna në qiellin e Tiranës) Foto të tjera

Redaksia Online
(e.c/a.ç/shqiptarja.com)