POP 5

Lajmet më të lexuara të 5 minutave të fundit

Kultura

Shfaqja ‘Mendje të bukura, shpirtra të lirë’ në skenën e ‘Arteve’! Të rinjtë i ‘japin zë’ tri shkencëtareve, mes tyre dhe Kasimatit, që i doli kundër diktatorit

Në Universitetin e Arteve, shfaqja “Mendje të bukura, shpirtra të lirë” me regji të Suela Bakos e interpretim të gjimnazistëve u prit me duartrokitje. Në skenë u vendos historia e tri grave shkencëtare në Angli, Francë e Shqipëri, ku Sabiha Kasimati, shkencëtarja e parë shqiptare i doli kundër sistemit të ish shokut të klasës, diktatorit Hoxha.

Historia e tri grave shkencëtare, si model frymëzimi për të rinjtë... Shfaqja “Mendje të bukura, shpirtra të lirë”, e vënë në sallën “Black Box” të Arteve, solli përmes zërit të gjimnazistëve nga “Andon Zako Çajupi” e “Qemal Stafa”, biologen shqiptare Sabiha Kasimatin, kimisten angleze Rosalind Franklin, e fizikanten Mari Kyri...

E frymëzuar nga Ina Kasimati, pjesa e shkruar nga Rovena Rrozhani u vu në skenë nga Suela Bako, për të evidentuar përmes teatrit kontributin e grave në shkencë, të pashkëputur nga vlerat e tyre humane.

Vlerat njerëzore, dinjiteti, mospajtimi me të keqen mbetën kolonë e historikut të shkurtër të Sabihasë, e para nxënëse vajzë e Liceut frëng në Korçë, ish shoqja e klasës e diktatorit, e cila kundërshtoi hapur udhëheqjen e tij...

Në dekada të afërta, sfidat në Shqipëri, Angli e Francë, për tri shkencëtare me potencial ishin të ndryshme. Ndërsa Franklin e Kyri, tentonin të fitonin terren në shkencën e kryesuar nga një frymë maskiliste e mosbesimi tek zbulimet e tyre, Sabihaja, e kthyer në vend pas studimeve në Itali, u bë dëshmitare e luftës mizore ndaj intelektualëve të vendit...

Pre e luftës së sistemit komunist ndaj elitës së vendit, ra edhe vetë. E para shkencëtare shqiptare, u dënua me vdekje nga regjimi komunist, në 51-shin, për shkak të bombës në Ambasadën Ruse...

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59