POP 5

Lajmet më të lexuara të 5 minutave të fundit

Politikë

'Shfryhet' administrata e bashkisë së Shkodrës, shkarkohen disa punonjës, Beci: Merrnin rrogë pa punuar

Bashkia e Shkodrës do t’i nënshtrohet një transformimi në strukturën e saj që do të shoqërohesh me shkurtim vendesh pune. Lajmi është bërë me dije nga kryetari i Bashkisë Shkodër, Benet Beci, i cili nënvizon se bëhet fjalë për persona që marrin rrogën pa ofruar shërbim

'Shfryhet' administrata e bashkisë së Shkodrës, shkarkohen disa punonjës, Beci: Merrnin rrogë pa punuar

Bashkia Shkodër

Bashkia e Shkodrës do t’i nënshtrohet një transformimi në strukturën e saj që do të shoqërohesh me shkurtim vendesh pune. Lajmi është bërë me dije nga kryetari i Bashkisë Shkodër, Benet Beci, i cili nënvizon se bëhet fjalë për persona që marrin rrogën pa ofruar shërbim.

Sipas tij, specialistë kanë analizuar situatën dhe kanë dalë në përfundimin se në Bashkinë e Shkodrës rezultojnë të punësuar persona që në fakt nuk japin asnjë kontribut.

'Dita e hënë shënon një hap të ri në funksionimin dhe angazhimin e të gjitha strukturave të Bashkisë Shkodër me vizionin që banorët duan, bashkinë në punë! Nga dita e nesërme, në zbatim të Vendimit të Këshillit Bashkiak të datës 29.12.2023, hyn në fuqi struktura e re e bashkisë Shkodër e përqendruar te shërbimi, si kryefjalë e funksionit dhe miradministrimit të Bashkisë Shkodër. Struktura e bashkisë, veçanërisht në institucionet e varësisë, kishte shumë pozicione të dubluara dhe specialistë që vetëm kishin emrin në borderotë e rrogave, por nuk ofronin asnjë shërbim për banorët e Shkodrës.

Sigurisht nuk është e lehtë të shkurtosh vende pune. Të gjithë jemi të ndërgjegjshëm për këtë. Por nuk mund të vazhdohet më të paguhen me rrogë njerëz që nuk japin asnjë kontribut në zhvillimin e bashkisë sonë. Qytetarët e Shkodrës nuk e kanë luksin të mbajnë me taksa nga të ardhurat e tyre të fituara me punë e sakrifica asnjë punonjës të tepërt në organikën e bashkisë.'- shkruan Beci.

Sipas kryebashkiakut të Shkodrës janë përzgjedhur vetëm personat që shërbejnë me profesionalizëm, të cilët do të vijojnë të punojnë në këtë bashki.

'Prej më shumë se dy muajsh administrata e Bashkisë Shkodër është në një proces riorganizimi. Të gjitha drejtoritë e Bashkisë Shkodër kanë analizuar me shumë përgjegjshmëri performancën dhe produktivitetin e punonjësve të varësisë dhe ekipeve që u shërbejnë qytetarëve, duke përzgjedhur ata që shërbejnë me profesionalizëm, ndershmëri, përkushtim dhe dëshirë për punë të mira për Shkodrën. Për administratën e Bashkisë Shkodër nga e hëna fillon një etapë e re, në të cilën puna e motivimi për t'u shërbyer qytetarëve është dhe do të jetë kriteri i vetëm i vlerësimit.'- shkruan Beci.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dudasjaji dem dadadem: 05/02/2024 08:43

    Ju komentues që Benetin po e sulmoni patë drejtë! Shihni Shkodren për 4muaj që ka ndryshuar,por me syrin e militantëve të pa ndershëm,që sot punojnë në Bashki,keni 30 vite në Bashki dhe kurr më mirë nuk ka qënë Shkodra,ju që Beci po jua hek drejten për të punuar në atë Bashki,40 % merrni rrogat kot,partia juaj ju shpërblej për votat që ja dhatë të pa aftëve që drejtuan Bashkin.Por në rastëse Beci ju zevendëson me punonjës të tjerë ju keni drejtë ta padisni në gjykat,Bashkia e Shodër eshtë Bashkia më e korruptuara për 30 vite që kanë drejtuar,fondet gjdo vit janë vjellur dhe nuk ,kanë shkuar kurr në destinacio,prandaj ju e sulmoni Becin,Shkodranët e ndershëm e dinë mirë sa punonjës janë punsuar në mënyrë selektive,pa përmendur shum e shum gjona të tjera për poshtërsit që kanë ba drejtuesit e Bashkis,uroj që Shkodra&Bashkia të bëhet sa më mirë që edhe ju komentuesa militantë të metëni të kënaqur ,por ju të PDsë sikur edhe në ar ta ngrjnë Shkodre ju pësëri jeni të pa kënaqur.

    Përgjigju
  • RIZA: 05/02/2024 00:38

    O Turpi Dynjasë. Të mbajti Berisha dhe ka faj Ai, e u del I pafytyre Qytetarëve të ndershëm të Shkodrës. Riza Gjura ta bën këtë koment

    Përgjigju
  • [email protected]: 05/02/2024 00:37

    Ty ske faj se te mbajti Berisha Drejtor prej 11 Vitesh e I përvishet Shkodrës dhe njerëzve plot vlera të saj. Ptu farë e keqe. Unë kam emër dhe mbiemër Riza Gjura

    Përgjigju
    • Ledion: 05/02/2024 15:05

      Dolen laskaret e sali berishes po ikni o llumi shqiperis o idjotet e kombit

  • Xnxn: 04/02/2024 21:12

    Atij luizit te famshem pagen ia jepje pa pa punuar apo?!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

TRING NË FESTË MAGJI NË TË GJITHA KANALET

TRING NË FESTË MAGJI NË TË GJITHA KANALET

24 Dhjetor, 14:51