TIRANË- Tre vajza të mitura shfrytëzoheshin për prostitucion në Tiranë, rrjet i cili u godit nga policia duke çuar në pranga tre të rinjtë tutorë, ndërsa një tjetër bashkëpunëtor i tyre është shpallur në kërkim.
Të miturat e moshës 15, 16, dhe 17 vjeçe shfrytëzoheshin nga katër të rinj 20-24 vjeç, në bashkëpunim me njëri-tjetrin. Sipas policisë, tre vajzat e mitura janë larguar nga banesat e tyre në muajt qershor, shtator dhe tetor të vitit të kaluar dhe shfrytëzoheshin për prostitucion kundrejt përfitimeve monetare.
Rrjeti i prostitucionit me të miturat shtrihej kryesisht në zonën e Larushkut, Fushë Krujës, dhe në Arameras. Tutorët pasi kontaktonin me personat e tjerë, i adresonin ata për në hotelet ku akomodonin të miturat. Në pranga kanë rënë Samuel Doku, 21 vjeç, Kastriot Kullaj, 24 vjeç, Fabjon Cangu, 20 vjeç, të tre banues në Larushk. Në kërkim është shpallur K. D., 22 vjeç. Ndërsa, tre të miturat janë vënë nën hetim në gjendje të lirë për shkak të moshës.
"Nga veprimet hetimore të kryera ka rezultuar se 3 të arrestuarit së bashku me shtetasin e shpallur në kërkim, në bashkëpunim me njëri-tjetrin, shfrytëzonin për prostitucion tre shtetase të mitura, të moshës 15, 16, dhe 17 vjeçe, kundrejt përfitimeve monetare. Autorët e dyshuar, pasi kontaktonin me persona të tjerë, i adresonin ata për në hotelet ku akomodoheshin të miturat, në zonën e Larushkut, Fushë Krujës, dhe në Arameras", njofton policia.
Ndërkohë, Gjatë kontrolleve fizike të Kastriot Kullajt dhe të 17-vjeçares, shërbimet e Policisë, iu gjetën sasi lënde të dyshuara narkotike kanabis, e cila u sekuestrua në cilësinë e provës materiale së bashku me tre aparate celulare.
Burime pranë policisë i thanë Report Tv se të miturat ishin larguar edhe më herët nga familjet e tyre dhe kishin braktisur shkollën. Tri të arrestuarit fillimisht nuk kanë pranuar para hetuesve se i kanë shfrytëzuar të miturat për prostitucion, por pasi janë përballur me fakte, biseda dhe video të vajzave që janë gjetur në celularët e tyre, kanë pranuar akuzat.
Detaje të reja nga shfrytëzimi i tre vajzave të mitura nga 3 të rinjtë në Fushë Krujë
Familjarët e 3 të miturave që janë shfrytëzuar për prostitucion nga 3 të rinjtë në Fushë Krujë kanë bërë denoncim për largimin e tyre që në muajin shtator, por nuk janë lokalizuar pasi kanë qëndruar në venddodhje të ndryshme në Fushë Krujë dhe Durrës.
Gazetari i Shqiptarja.com dhe Report Tv Sokol Dema informon se vajzat kanë deklaruar se janë larguar nga shtëpitë me dëshirën e tyre dhe gjatë kësaj kohe janë shfrytëzuar për prostitucion mga djemtë të cilët i kishin njohur dhe ishin miq me njëri-tjetrin.
Tre personat e arrestuar, Samuel Doku, Kastriot Kullaj, Fabjon Cangu, fillimisht nuk kanë pranuar para hetuesve se i kanë shfrytëzuar për prostitucion, por janë përballur me fakte, biseda dhe video të vajzave që janë gjetur në celularët e tyre. Vajzat e mitura edhe më herët janë larguar nga banesat e tyre.
Lajme të tjera
-
Tiranë/ Eksploziv banesës në katin e 9-të të një pallati, frekuentohej nga Bernard Sinomati, vëllai i 'Buzëderrit' të Vlorës! Policia gjeti sende personale dhe dokumente
22 Dhjetor, 12:33
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Tiranë, arrestohet taksisti, akuzohet se i mori me dhunë klientit një shumë parash dhe 2 telefona
22 Dhjetor, 10:35 -
Mediat ndërkombëtare jehonë lajmit për mbylljen e TikTok në Shqipëri
21 Dhjetor, 19:10 -
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Nata e dytë e Fest 63, 15 artistë të tjerë ngjiten në skenë
20 Dhjetor, 20:50 -
Konfirmimi i prokurores Eranda Laze ankimohet në Kolegj
20 Dhjetor, 19:41 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Të çash trafikun në Tiranë, 'mision i pamundur'! 'Paralizohen' rrugët, radhë të gjata mjetesh edhe në autostradën Thumanë -Kashar (VIDEO)
20 Dhjetor, 17:32 -
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
-
Goditën me sende të forta 34 vjeçarin, arrestohen 2 të rinjtë në Tiranë
20 Dhjetor, 15:38
