POP 5

Lajmet më të lexuara të 5 minutave të fundit

Kronikë

Shfrytëzonin seksualisht 13-vjeçaren në Sarandë, lihet në burg kryepolici dhe tutori! Prindërit mendonin se punonte si pastruese, shërbimi social: Vishej me rroba luksoze dhe kishte telefonin e fundit

Gjykata ka lënë në burg kryeinspektorin, Petraq Rako dhe tutorin e vajzës 13-vjeçare, Stefan Koloi, i cili e përdorte për prosititucion të miturën. Gjykata e Sarandës ka lënë në burg dy të akuzuarit deri në përfundim të hetimeve.

Shfrytëzonin seksualisht 13-vjeçaren në Sarandë, lihet në burg kryepolici dhe tutori! Prindërit mendonin se punonte si pastruese, shërbimi social: Vishej me rroba luksoze dhe kishte telefonin e fundit

Kryeinspektori, Petraq Rako dhe tutori i 13-vjeçares, Stefan Koloi

SARANDË-  Gjykata ka lënë në burg kryeinspektorin, Petraq Rako dhe tutorin e vajzës 13-vjeçare, Stefan Koloi, i cili e përdorte për prostitucion të miturën. Gjykata e Sarandës për të dy është  vendosur “Arrest në burg” deri në përfundim të hetimeve. Ata akuzohen për  “shfrytëzim prostitucioni”, “marrëdhënie seksuale ose homoseksuale me të mitur”, “prostitucion” dhe “mbajtje e lokaleve për prostitucion”.

Po vijojnë hetimet intensivisht pasi ka dyshime edhe për  të tjerë persona që mund të kenë abuzuar me 13-vjecaren. Ndërkohë që  do të kryhen edhe disa ekspertime mjekësore e shkencore për të plotësuar elemente të hetimeve që kryhen për këtë çështje. Edhe pse dy të dyshuarit janë kapur në flagrancë, siç u shpreh policia por edhe organi i akuzës, përsëri të dyshuarit  në seancë kanë mbajtur qëndrim mohues. Ndërkohë  familjarë të vajzës janë shprehur me parë se kishin informacion që  vajza e tyre punonte në Ksamil si pastruese. Mësohet se të miturën vinin nga Xarra çdo ditë e merrnin  në orën 16.00 dhe sillnin në 22.00. Por njëherësh nga  punonjës të shërbimit social dhe policisë kanë mbajtur më parë një raport ku shkruhej se vajza vishej  me rroba luksoze, mbante Iphone 12, kryente make up dhe kishte marrë banesë me qera në Sarandë. E mitura është fëmija i vogël i një familjeje, me 7 fëmijë njeri prej të cilëve u ka vdekur. Kjo familje ka ardhur para disa vitesh në fshatin  Gjashtë nga Berati. Është familje me të ardhura shumë të pakta, ndërkohë që nëna e fëmijëve është invalide. Banojnë në fshatin Gjashtë në një banesë që e kanë në ruajtje.

Ngjarja e rëndë ndodhi në Sarandë, ku Stefan Koloi 62-vjeç kishte përshtatur lokalin e tij si si vend për shfrytëzim prostitucioni. Ndërkohë, kryeinspektori 60 vjeç ishte klient i 13-vjeçares.

Arrestimi i tyre u bë nga SHÇBA pas një hetimi një mujor, pas një denocimi që kishte mbërritur në Policinë e Sarandës. Ata do të përballen me veprat penale “Shfrytëzim i prostitucionit”, “Marrëdhënie seksuale ose homoseksuale me të mitur”, “Prostitucioni” dhe “Mbajtja e lokaleve për prostitucion”.

Petraq Rako, oficer i Komisariatit të Policisë Kufitare Sarandë,  rezulton i arrestuar në 2007 për “dhënie ndihme për kalim të paligjshëm të kufirit në bashkëpunim në kuadër të grupit të strukturuar kriminal” por është shpallur i pafajshëm.

SI.E./J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 22/11/2021 00:13

    Kjo ngjarje eshte nje deshtim i madh nga te gjithe,shteti,shkolla,familja,banoret,etj.Familja na qenkesh e varfer,por vajza vishej luks dhe kisht marre banese me qera!Organet perkatese kishin marre shenim,por asnje reagim!Si ka mundesi qe lejohet nga shteti te punoje nje femije 13 vjec? Si ka mundesi qe nje prind jo vetem e lejon te punoje femijen,por dhe te punoje ne nje orar te dyshimte 16-22?! Nuk shkonte kjo vajze ne shkolle,ku e gjente kohen te studionte?! Si ka mundesi qe familjes nuk i bente pershtypje ndryshimi i veshjes,sjelljes,paraqitjes?!Po banoreve nuk iu bente pershtypje, qe ne nje lokal te mbyllur duhej pastruese dhe degjoheshin zera?!Shikoni se mos kane marre ne qafe dhe vajza te tjera.

    Përgjigju
  • Grupi: 21/11/2021 19:03

    Shoqeria Civile ata gazetare qe ben ststuse prekese per vrasjen ne fier, ministri i brendshem Cuci drejtori i RI Nano dhe asnje politikan nuk reagoi per kete barbari te kryer nga nje punonjes policie. Edhe kjo vrasje eshte o shoqeria e kalbur civile.

    Përgjigju
  • Loni: 21/11/2021 16:15

    Hahahah o sa kam qesh as ne filma nuk I degjon keto... Barbari e gjalle edhe nese eshte e vertet skandal!

    Përgjigju
  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Kurti: Vuçiç refuzoi ofertën time për vetëmenaxhimin e serbëve

Kurti: Vuçiç refuzoi ofertën time për vetëmenaxhimin e serbëve

21 Mars, 18:53