Vetëm 1 në 8 biznese në vend ka paguar tatim mbi fitimin e realizuar gjatë vitit 2023. Ministria e Financave thotë se janë 15 mijë e 939 biznese me xhiro mbi 14 milionë lekë që kanë paguar tatim mbi fitimin gjatë vitit të shkuar në vlerën 516 milionë euro. Aktualisht në vend operojnë 130 mijë biznese, por vetëm një pjesë e vogël 12.3% e tyre janë subjekte të tatimit mbi fitimin, pasi bizneset me xhiro deri në 14 milionë lekë janë të përjashtuar deri në vitin 2029.
Në total fitimi i bizneseve të mëdha vitin e kaluar ka qenë 3 miliardë e 485 milionë euro, ku ‘trofeu’ mbahet nga sektori i shërbimeve, ndikuar edhe prej bumit të fortë turistik me mbi 10.1 milionë turistë. Shifrat zyrtare tregojnë se 4.363 biznese të sektorit të shërbimeve me xhiro mbi 14 milionë lekë kanë gjeneruar fitim bruto mbi 1.1 miliardë euro. Nga një përllogaritje e thjeshtë rezulton se fitimi i çdo biznesi të sektorit të shërbimeve është mesatarisht 252 mijë euro në vit ose 2100 euro në muaj.
Edhe pse sektori i shërbimeve ka fitimin më të madh për shkak edhe të numrit më të lartë të subjekteve, bizneset më fitimprurëse janë ato të prodhimit. Sipas shifrave 2.508 subjekte të sektorit të prodhimit kanë gjeneruar fitim prej 936 milionë euro, ose mesatarisht 373 mijë euro fitim në vit për çdo biznes të këtij sektori. Pas prodhimit vjen tregtia, ku 6470 biznese të këtij sektori fituan në total vjet 870 milionë euro. Edhe pse renditet në vendin e tretë si sektori më fitimprurës, në fakt bizneset që merren me tregti kanë fitimet më të ulta se të gjitha fushat e tjera.
I katërti në renditje është ndërtimi me 435 milionë euro fitime bruto të realizuara nga 2 mijë kompani. Fitimi mesatar i këtyre ndërtuesve në vitin 2023 rezulton të jetë 217 mijë euro. Në fund është transporti me vetëm 140 milionë euro fitime, nga 597 kompani që operojnë në këtë fushë.
Të ardhurat nga tatimi mbi fitimin këtë vit planifikohen të arrijnë në 597 milionë euro, ndërkohë që nga janari deri në fund të shtatorit janë arkëtuar 433 milionë euro.
FITIMET SIPAS SEKTORËVE
Shërbimet 1.1 mld €/ 4.363 biznese
Prodhimi 936 mln €/ 2.508 biznese
Tregtia 870 mln €/ 6.470 biznese
Ndërtimi 435 mln €/ 2000 biznese
Transporti 140 mln €/ 597 biznese
FITIMET/ SEKTORI I SHËRBIMEVE
Numri i bizneseve 4.363 subjekte
Fitimi total 1.1 miliardë euro
Fitimi për biznes 252 mijë euro në vit
FITIMET/ SEKTORI I PRODHIMIT
Numri i bizneseve 2.508 subjekte
Fitimi total 936 milionë euro
Fitimi për biznes 373 mijë euro në vit
K.T./E.H/Shqiptarja.com
Sondazhi i ditës:
Çfarë prisni në vitin 2025?
-
Punë
10.8%
-
Shëndet
67.4%
-
Mirëqënia
21.8%
Vota total: 1940
Votat totale janë unike
Lajme të tjera
-
Spahiu: Ngjarja 2024 është ‘Shqipëria turistike’, dikur 80% e planetit s’e njihnin fare ku bie
26 Dhjetor 2024, 21:45
-
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor 2024, 20:35
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor 2024, 12:20
-
'Mirror': Shqipëria, parajsa evropiane tërësisht nën radarin e turistëve
24 Dhjetor 2024, 07:51
-
Më shumë të ardhura sesa shpenzime! Suficiti për 11-mujorin arrin në 72 miliardë lekë
21 Dhjetor 2024, 17:26
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor 2024, 11:05
-
'Express': Shqipëria, destinacioni i ri mesdhetar që turistët nuk duhet të humbasin në 2025
18 Dhjetor 2024, 13:33
-
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor 2024, 14:43
-
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor 2024, 14:42
-
Fatos Çoçoli: Vizitori i dhjetëmiliontë
11 Dhjetor 2024, 18:28
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor 2024, 16:07
-
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor 2024, 15:32