POP 5

Lajmet më të lexuara të 5 minutave të fundit

Kronikë

Sekuestrohen 2 laboratorë prodhimi Bitcoin me vlerë 1 mln euro në Shijak, 3 në pranga dhe 4 në kërkim! Surprizojnë shqiptarët, nga vjedhja e energjisë 'evoluojnë' te panelet diellore

Dy laboratorë për prodhimin e kriptomonedhave janë sekuestruar në Shijak, ndërsa janë arrestuar 3 persona si dhe janë shpallur në kërkim 4 të tjerë.

Dy laboratorë për prodhimin e kriptomonedhave janë sekuestruar në Shijak, ndërsa janë arrestuar 3 persona si dhe janë shpallur në kërkim 4 të tjerë. Mësohet se nga operacioni 'Kriptofarm', në pranga kanë rënë Liserxhio Xhaferaj  dhe Ardian Çekiçi. Ndërsa një nga të shpallurit në kërkim, Enxhi Hasa, është administrator i kompanisë 'CRYPTO ËORLD 2'. Po ashtu janë shpallur në kërkim edhe 3 persona të tjerë me inicialet M.Gj, E.H dhe Th.Z, banues në Tiranë.

Këta persona kishin ngritur 2 laboratorë për prodhimin e kriptomonedhave, një në fshatin Pjezë dhe tjetri në fshatin Fllakë, teksa kishin investuar 1 milion euro për ngritjen e strukturave. Ndryshe nga rastet e tjera të prodhimit të kriptomonedhave në vend, këta persona nuk vidhnin energji elektrike, por rrymën e nevojshme e siguronin nëpërmjet paneleve diellore.

Sipas Policisë, ata kishin kërkuar të regjistronin aktivitetin e tyre, por nuk ishin legalizuar pasi Autoriteti i Mbikqyrjes Financiare  nuk i kishte lejuar.

Gjatë operacionit, Policia sekuestroi 631 copë pajisje elektronike për prodhimin e kriptovalutave, 630 copë panele diellore, 360 copë pajisje elektronike për sigurimin e vazhdueshëm të energjisë elektrike, 71 copë pajisje kompjuterike për procesimin  e të dhënave, 71 copë pajisje kompjuterike për ruajtjen e përkohshme të të dhënave, 71 copë Hard disqe të jashtme, 71 copë pajisje elektronike për stabilizimin e temperaturave, pajisje elektronike për shpërndarjen e internetit, pajisje kompjuterike të lëvizshme  dhe dokumenta të ndryshme të subjekteve, fatura financiare, shënime të ndryshme etj.

Policia duket se ka nisur një operacion të gjerë kundër laboratorëve që merren me prodhimin e kriptomonedhave, ku një ditë më parë një rast i tillë u godit po në Shijak, ku u arrestua edhe një person.

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Protesta për VAR-in, pezullohet ndeshja në Norvegji

Protesta për VAR-in, pezullohet ndeshja në Norvegji

22 Korrik, 19:00