POP 5

Lajmet më të lexuara të 5 minutave të fundit

Kronikë

DËMET/ Shirit i kuq në Kalanë e Krujës! Shkëmbi poshtë saj rrezikon të shembet, evakuohen 4 banesa dhe bizneset (VIDEO)

Kulla e Kalasë së Krujës ose siç quhet ndryshe Kulla e Sahatit është ndërtuar në shekullin e 12, ku shërbente si kullë vrojtimi. Ndër shekuj Kulla ka pësuar dëmtime të rënda si pasojë e tërmeteve.

KRUJË -  Tërmeti i 26 nëntorit ka dëmtuar Kullën e Kalasë së Krujës dhe një shkëmb poshtë saj, i cili rrezikon të shembet. Për këtë arsye në zonë është vënë perimetri i sigurisë dhe janë evakuzar bizneset dhe katër familje në zonën e rrezikut deri me marrjen e vendimit se çfarë do të bëhet me shkëmbin dhe kullën, e cila ndër shekuj është rikonstruktuar disa herë pas dëmeve të shkaktuara nga tërmetet në Shqipëri.

Kulla e Kalasë së Krujës ose siç quhet ndryshe Kulla e Sahatit është ndërtuar në shekullin e 12, ku shërbente si kullë vrojtimi. Ndër shekuj Kulla ka pësuar dëmtime të rënda si pasojë e tërmeteve.

Pjesa e sipërme e saj i është nënshtruar një rikonstruksioni në shekullin e 17 pasi u shemb si pasojë e një tërmeti. Gjithashtu kjo kullë iu nënshtrua një rikonstruksioni tjetër në vitin 1981 kur u dëmtua nga tërmeti apokaliptik që shkaktoi dëme të pallogaritshme kryesisht në zonën e Lezhës dhe Shkodrës, në 1979. Madje në një nga filmat shqiptar të kohës së monizmit, "Gjurmë në kaltërsi" në një fragment shihet Kalaja e Krujës dhe kulla duket e përgjysmuar.

Kulla pësoi dëmtime serioze edhe gjatë tërmetit të datës 26 nëntor dhe pjesa e sipërme e saj që është rikonstruktuar ndër shekuj shfaqi përsëri probleme.  Përpos kullës së kalasë ka pësuar lëvizje dhe një shkëmb, në pjesën poshtë kullës, i cili qe shkëputur nga konglomerati në të cilin është vendosur kalaja.

Ky shkëmb pati pësuar shkëputje dhe lëvizje në vitin 1995 si pasojë e shpërthimeve të pa kontrolluara në guroret e Krujës. Madje në atë kohë qe arrestuar dhe SH.D pronar i një guroreje pasi në mënyrë të papërgjegjshme shpërtheu një kamion me eksploziv në guroren e tij në mënyrë që të nxirrte materiale për ndërtimet që bëheshin pa kriter në atë kohë. Më pas ky biznesmen u la në arrest shtëpie për dëmin e shkaktuar Kalasë emblemë të Shqiptarisë.

Ky shkëmb i shkëputur në vitin 1995 ishte lidhur me kavo çeliku në mënyrë që mos të binte mbi banesat e bizneset që ndodhen poshtë tij.

Sot ky shkëmb si pasojë e tërmetit ka pësuar lëvizje dhe është shpallur i pasigurt pasi mund të shkëputet totalisht e të marrë me vete banesat e bizneset poshtë tij. Për këtë arsye është vendosur evakuimi i 4 banesave të fisit Veseli që ndodhen ne lagjen "Kala" si dhe janë urdhëruar bizneset që ndodhen në rrezen e rrezikut që të mbyllin e të boshatisin dyqanet e tyre.

Nuk dihet si do ndërhyhet për dëmet në Kala apo për vënien në siguri të shkëmbit por për te evituar kalimin e mjeteve drejt Kalasë dhe lagjeve që ndodhen brenda saj pasditen e sotme është hedhur një kamion me gurë në rrugën e Kalasë pranë përroit. Report Tv kontaktoi drejtorin e drejtorisë rajonale të Monumenteve të Kulturës Tiranë, sipas të cilëve "shkëmbi dhe kulla janë në rrezik shembjeje", por askush nuk pranoi të prononcohet para kamerës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 04/12/2019 09:25

    Nqse këtë kullë do ta kishte një vend tjetër, do ta kishin forcuar edhe shkëmbin me metoda të ndryshme e restauruar kullën nga e para!

    Përgjigju
  • Gjini: 03/12/2019 22:35

    Gezon turku

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Finlanda heton dëmin shkaktuar kabllove nënujore elektrike me Estoninë

Finlanda heton dëmin shkaktuar kabllove nënujore elektrike me Estoninë

25 Dhjetor, 21:59