Shisnin kokainë në pubet e Tiranës,
arrestohen 3 shpërndarës

Një operacion i Policisë së Tiranës, pas hetimeve të shumta ka shkatërruar një grup shpërndarësish të kokainës. Policia arrestoi Refik Tota, 36 vjeç, Gentian Tota, 26 vjeç dhe Reinald Pashollai 30 vjeç të akuzuar për shpërndarje të lëndëve narkotike.

Sipas policisë, shtetasit e arrestuar e zhvillonin aktivitetin e shpërndarjes së kokainës në lokalet e natës në kryeqytet.

Nga kontrolli që i është bërë banesës së të arrestuarve, policia ka sekuestruar një sasi kokaine prej 20 gramë të ndarë në disa pako dhe po punon për të shkatërruar rrjetin e shpërndarjes së kokainës dhe kapjen e autorëve të tjerë.

(v.gj/shqiptarja.com)