TIRANË- Data 31 gusht, ishte afati i fundit, që disa artistë të Teatrit Kombëtar i lanë kryeministrit Edi Rama dhe Ministres së Kulturës Elva Margaritit për rishikimin e pagave të tyre. Në përgjigje të kërkesës së tyre të parashtruar në letër në 18 korrik të këtij viti, ministrja ka zhvilluar deri më tani një takim me përfaqësues të Sindikatës së Artistëve, dhe shpjegon se ç‘pritet të ndodhë më tej.
“Çdo dy javë secili prej drejtuesve të institucionit, bën takime të dedikuara në Ministrinë e Kulturës dhe e dimë që kjo ëhstë një problematik e përbashkët. Patjetër do ta çojmë përpara dhe do të kërkojmë që të jetë e mirëadresuar dhe në kohën e duhur. Sot Qeveria shqiptare po punon fort që të përballet me krizën energjitike dhe nuk mund të nisemi thjesht nga egoja personale, ku çdokush prej nesh, qoftë drejtues institucioni a punonjës i thjeshtë i administratës apo artistë institucioni, vepron duke vendosur afate përpara një shtëpie të madhe që është qeveria shqiptare”, thotë ministrja e Kulturës Elva Margariti.
Ndërsa sa i përket situatës në Teatrin Eksperimental “Kujtim Spahivogli”, ku artistë si Ermira Hysa, Ardiana Tolka, Endri Çela e të tjerë, janë lënë të paangazhuar thuajse gjatë gjithë mandatit si drejtor të regjisorit Altin Basha, vetë artistët i kanë bërë me dije situatën Ministrisë së Kulturës në krye të këtij viti.
“Si Teatri Eksperimental, ashtu edhe Teatri Kombëtar, mendoj se kanë nevojë që angazhimi i artistëve të fillojë të ketë format e duhura jo vetëm të një page të administratës po edhe për përfshirje në projekte. Janë aktorët ata që mund të jenë të angazhuar edhe në më shumë projekte edhe jashtë institucioneve, Teatrit Kombëtar dhe atij Eksperimental “Kujtim Spahivogli”, kështu që ka qenë një kërkesë të cilën e kemi shtruar me të dy drejtorët për të parë me sa më shumë efikasitet këtë elementin e kontratës së përhershme brenda një institucioni, besoj lidhet edhe me zhanrin e këtij institucioni”, shprehet më tej Margariti.
Pas largimit të mëhershëm të Mateo Dervishajt, gjatë këtyre ditëve Hysa është pushuar nga puna, ndërsa të tjerë aktorë e kanë të paqartë situatën e tyre.
Lajme të tjera
-
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
Shfaqja ‘Hije’ mbërthen publikun te ‘Eksperimentali’, në skenë edhe 3 aktore shqiptare! Regjisorja: Hera e dytë në Shqipëri, punuam shumë
28 Tetor, 16:32
-
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës
17 Maj, 12:03 -
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen
29 Mars, 19:34
-
‘Vajza, mbajeni mirë me mamanë e atij!’, Artan Imami tregon mes batutash komedinë çmim ‘Molier’! Në regji me bashkëshorten
12 Shkurt, 17:34
-
Ciceron/ Ema Andrea, sot tek Eksperimentali “Dua një vend”! Baleti ‘Giselle’, edhe këtë mbrëmje në Opera
7 Shkurt, 16:12 -
Aleanca për Mbrojtjen e Teatrit kallëzon prokurorin Edvin Kondili, Kalaja: 4 vite që nuk hetohet dosja! 46 herë trokasim në SPAK, 0 përgjigje
31 Janar, 11:52 -
Teatri i Ri, Veliaj: Përfundon për 2 vite, do jetë kryefjala e vitit të Kulturës në 2025
22 Janar, 13:51 -
Intervista/ Kadri Roshi tejmbush teatrin në 100-vjetor, i biri: Sa kohë që njerëzit e mbajnë në shpirt, ai është gjallë! Teatri qe shtëpia e tij e dytë, iku me një brengë
12 Janar, 18:39
-
4,46 miliardë lekë, 'portofoli' i Kulturës rritet me 12% për 2024! Gjysma e buxhetit për ‘kantieret’ e hapura nga Teatri Kombëtar tek Parku i Artit
13 Nëntor 2023, 19:38 -
VIDEO/ Hidhen themelet e Teatrit të Ri, vijon puna për shtëpinë e re të aktrimit në Tiranë
30 Shtator 2023, 09:31
